Patrick Diary

今日行雷落雨ge情況下，同左一班大學同學去左赤柱BBQ。我地一行人，有Joe, Annie, Bonnie, Vincent, 嘉莉, 阿儀，由柴灣出發，搭小巴直去赤柱。

去到我地就分兩批人，一批去霸爐，一批去買野。咁我地就去左百佳買野，買左好多好多好多野食，仲買左毽&波玩tim。

買好晒野，我地好不容易先返到去赤柱正灘，因為真係太多野太重lu。之後，我地就開始起爐，起到咁上下，就落大兩lu，都幾唔開心，不過都幾特別ge。我地好狼狽先可以保住個爐&食物，但係我成身都濕晒，因為用個身去擋住d雨去保住個爐，前面熱到出晒汗，後面就俾雨水淋到濕晒。另外，多得阿儀，傘住我個頭(傘人only傘個頭)。佢仲要係全場唯一一個全身都乾ge人。Bonnie都係無乜建庶ge情況下濕左身。

落左場大雨後，都再無乜再落雨lu。行雷閃電都有ge。我地就馬拉松式燒烤，燒下玩下吹下水咁。可能係熱同埋個爐細的問題la，我地真係燒得好慢。燒燒下，無聊玩下個波，點知飛左落海。噢!真係唔好意思喇。haha...

燒完都兩點幾，先頭都有諗過走(因為明天一早要返大陸)，但係果時走都幾掃興，所以最後都無走，繼續玩。去左沙灘玩啤牌，唉!玩埋d要反應快ge野，我就差唔多又頭輸到落尾。真係有老人痴呆。

玩到咁上下，日頭都出lu，不過可能多雲啦。我地都睇唔到日出，不過風景都幾靚ge。

最後，收拾好d野，我地就出返去巴士站搭巴士返屋企lu。