Patrick Diary

琴晚，睇左上半場英格蘭+下半場法國。兩場波賽果都好正路，英法一齊晉身八強。

訓左一陣，食左隻"種" & lunch。就出發去鑽石山join 儀、Pk AU、Mike、Joe和Vincent去西貢榕北走廊行山。

榕北走廊係榕樹澳至北潭涌的一段山路，唔係太辛苦。不過沿路超多大蜘蛛，我地勁用紙巾、樹葉、樹枝、石頭去玩蜘蛛，玩左好多時間。沿路中，每個人都耐耐會發出怪聲，因為見到好多唔同ge昆蟲。勁好玩!

去到榕樹澳附近，我地稍作休息，食左d野，飲左d野，就沿著海邊，走往西沙公路。景色真係唔錯，可是近黃昏。

我地行完全程，就返回市中心食晚飯。食左泰國野，個個都食到好飽。之後就周圍走走，最後去左西頁碼頭吹水& hae。

Hae到咁上下，就去廁所，預備散水。但Joe無端端失常，跳左入廁所對出的水池內，濕遍整雙腳，笑到我肚痛。