今日係第一日返工，琴晚睇左十分鐘波已經頂唔順訓左。今早五點九起身，上網check賽果，真係開心琴晚果場真係和，連中兩場，淨賺七十幾蚊。
今日係我平生第一次搭第一班地鐵，感覺怪怪的。約了eric六點九食早餐，去左彩明街市食餐旦麵，好飽。之後，就join埋阿jess一齊搭巴士。eric今日真係有點不對路，竟然帶錯路，真係聖人都有錯。去到公司七點十一左右，實Q哥哥又叫我地企係門口，次次都係咁。之後上去就同人事部哥哥交涉，影了些印，影了員工證，做下一些briefing。果個人好hae，講野好慢，無乜point。話題重點係圍繞住返工的廠車。佢猛介紹，上落車地點，車站圖樣等等，對架廠車非常重視。講架廠車都講左成粒鐘，轉眼間就hae左兩三個鐘。跟住就同supervisor見面，講了些基本野俾我地聽，之後分坐位。Poly三子 + City Jess坐係大粒佬附近，佢地真慘，做咩都俾人望住。失準的eric 和 廢柴的我被調到很遠，與他們有十數米之遠。我們的位仲要係超級hae，三面有高高的圍版圍住，無人睇到我地做乜。
食飯前，Supervisor做了簡單的briefing。介紹了人事關係和system architecture，還有很多很多，我聽完大部份都唔記得。還有一個David哥帶我們遊花園，望下東望下西，教我們點睇公司的醫生，話俾我們聽我地的canteen有很多藝員會來，睇黎佢最鍾意"行姐"。講講下，話題又去返廠車，講左好耐，佢好驚我地找唔到架車，好驚我地去左赤臘角，好驚我地上錯車，佢一路狂幫我地找資料，呢間公司的人真係無聊。
之後，去canteen食飯，由於實行彈性食飯時間，所以都唔係好多人，但有靚女wor。真係幾靚的。最後，我發現佢係對面office的，good! Canteen的食物都好貴，有點兒像飛機餐，一個個細碗的，真奇怪。味道真是麻麻，睇黎我地下個星期都開始帶飯lu。
上到黎，setup下部機，就開始我地MSDN training(我地會有十四日的training，到最後還有一個exam tim)。有點悶，上左一陣，Trainer就開始做demo，用VB.NET create web services佢get/set database。用了很多不知名的東西如SQL adaptor。我地做了很耐都搞唔到，我部機又有小問題，上唔到網，真慘。佢地果個用icq聯絡，我就靠自己一雙腿去找答案。行來行去，到最後都係做唔到，但已經五點鐘lu。
到五點，d人發晒狂。我地心諗住寫多幾行code先，但係佢猛叫我地走，話"快d走la，快d走la，唔走無車ga la"，那邊就說"夠鐘就走la，無勤工獎的"。咁我地最後執好野，就準備走了。
唉，d野黎得太急，好多野都摸不著頭腦，有點驚tim。我同eric仲要坐咁遠，雖然山高皇帝遠，但係就缺乏後勤支援。真慘。
放工，同jess,eric搭巴士轉地鐵。我就去左奧海城，因為約左人打機。見到嘉莉，傾了一陣。之後就打機，然後去尖咀食飯。路途中撞到阿賓，還有中學的老師。
去到海運大廈食飯，撞到S同學和V同學拍拖，真係唔好彩la。仲要坐我們後面。傾左一兩句，就無理佢地lu。
成晚都好眼訓，心情唔係太好，返到黎真係要hae下lu。
