Patrick Diary

今日一早約了Eric & Jess係坑口，準備一齊返工。我地三個都帶左飯返去食，Eric帶左個公仔飯盒，仲要同Trainer果個一模一樣，Jess話"估唔到果兩個飯盒，係兩個大男人"，真係經典。

早上，無人理我地，咁我地就努力開始做VB.NET的web services。主要係database tier。寫到咁上下，已經十二點鐘，我同eric已經超級肚餓，但係我地十二點半先lunch break，這樣只好忍。但係我地ge hae位超近茶水站，不時傳來飯香，真辛苦。

食完飯後，去左Canteen行了一轉，睇下有咩特別零食。零食無，靚女都走晒，只係見到一個家燕姐食飯。唉!希望下次有個好d的。

飯後，繼續係VB time。因為我地上午完成左database tier，下午就開始寫business logic，效率明顯已經有改善。Good!最後仲完成埋一個VB application。

四點十已經萌去意了，我就上intranet睇下有咩員工優惠，Eric仲hae，佢執埋野等五點。今日我地放工，終於可以搭廠車了，真好!廠車真是五點零八分開車，完全唔會等人的，真好!出到旺角竟然五點半都未夠。真係開心死。