Busy Friday~

琴晚諗訓前，大概諗到個bug點de。咁今早一開波就差唔多做晒我個data-tier。之後都係無乜野做。要等埋eric的presentation tier先交得俾elson。

今日，發覺eric唔係好習慣人地望住佢做野，我問佢有咩幫手的時候，佢總是有點不自然。到最後，我儘量唔理佢lu。等佢寫program ，寫得開心d。

Lunch，好野。我地六個人第二次食街外野，唔駛食自己帶的飯。今次叫了pizza hut，食完都唔夠一點，真好!

下午，搞點個project，demo左一次俾elson睇，佢都收貨。咁我地就要填一d implementation request form 俾Librian，將我地個program過production果邊。但係我地好多野都唔識填，hard code左入program 果d link又唔識點轉做dynamic，臨放工前都係搞唔點，留返下個星期先搞lu。

放工，同joe去行書展。超級多人。大家銀包都無乜錢，太多人又行唔到去ATM，最後心諗d shop會收EPS，所以無拿錢了。入去行了幾個圈，撞到阿慈、阿麗，成日都撞到佢地兩個。

行了大塊文化的booth，竟然只收現金，但係呢間野係我地最多野買的一間。咁我地就唔知點算，諗了很多方法，最後決定問人借錢。但係問了雞昆、阿慈、阿麗和jess，佢地都無人有三百蚊借俾我地。無辦法下，周圍行下，睇下有無其他booth，有同一本書，又收eps喇。但係都無，咁我地就決定，我出會場拿錢，佢就負責等我d錢去買野。

由於會場規定，出左場唔可以再進場，咁我地就諗住係出口附近交收款項。但係我眼見係出口個"實Q"傻下傻下，求其講兩句騙下佢，就可以入返會場，真搞野。原來唔駛買票，騙下d"實Q"就可以進場ga la。

之後，行埋d唔知咩展，就去左銅鑼灣。去左一個商場行，見到以前個同事，係度開了間shop。但係無打招呼，我驚佢都唔記得我lu。

晚上，去了一間潮州粉專間店食dinner。佢果度聲稱湯底無味精的，但係我食完差點兒渴到死。d麵真係難食到你唔信。joe叫的牛腩河，更加難食。佢用"沾滿汗的毛巾"來形容一舊好"鞋"和有咸味的牛腩，真貼切!