Tuesday, August 31, 2004 

最驚就係過program

今日繼續寫program，寫到差唔多放工，就寫完lu。

最後交埋implementation form就過program 去production俾user用了。有點驚，Bobo太忙，睇都唔睇就approve左個program。仲要係config file?面delete一條key，萬一delete錯左，全公司都run唔到個program了。到時，一定俾人插死。

今日找了公司將軍澳ge地址好耐，都找唔到，最後係TVB個網頁找到個。原來TVB係駿才街77號，HAECO係駿才街80號，HASEL係駿才街70號呢。

11:59 pm | |

Monday, August 30, 2004 

返學lu~

晚上睇完馬拉松和少少閉幕禮，已經兩三點。不過真係值得，但係朝早起身唔係好想郁。

返到公司都幾精神，因為太多野做lu，d program ge requirement改完又改，寫完又寫。寫寫下就食lunch。之後，再做volumn test，再搞下time sheet，周圍走就差唔多放工了。手頭上仲有份guide要寫。

今日Eric買了瓶Qoo，玩到勁開心。最後係唔捨得飲，勁搞笑。
Qoo

放工同eric & jess搭車出旺角，因為晚上要返city上堂。我地班hea人搞到Leader jess唔係幾happy，真係唔好意思呢。haha...

其實，係完全唔想上堂，今次返去上堂好似玩咁。但係遲d會好似阿mike所講"好頭好尾"，由頭訓到落尾。

11:59 pm | |

Sunday, August 29, 2004 

睇奧運~

晚上睇了女排和跳水，非常緊張。最後，兩場比賽都係中國勝出。但係田亮竟然輸左俾師弟，真慘。

睇奧運都睇到成三四點，勁眼訓。訓覺訓到昏迷咁。今日再次被阿儀ge電話噪醒，起來時已經三四點鐘。真好，太耐未訓過十幾個鐘lu。之後，同屋企人去奧海城食飯，唔知係早餐定係lunch，還是下午茶了，食到好飽。然後，就去左百佳買左好多好多零食呢!

之後hea左一陣，就出街食飯，因為唔肚餓，所以周圍走走。行左海港城ge LCX，無野買到。之後就去左CitySuper食飯呢。食了香辣屋，可能唔係太肚餓，都唔係好好食咁。然後繼續周圍行，最後去左加拿芬道ge Strawberry Forever食甜品，食了Strawberry Forever和綠里奇緣呢。

多謝晒呢!太開心了。

綠里奇緣

11:59 pm | |

Saturday, August 28, 2004 

Fishing day~

一早起身，開電腦remote返公司做UAT implementation。唔係太多，做左一個咁大把。之後訓左陣，就去東涌join Gordon & Edward去機場釣魚，今次去ge地方比平時還要入。

去到落大雨，但係為免掃興，我地都係照去。到達後，天氣尚可。放"區"落水，即刻有魚咬，真好。但係天氣時好時壞，好麻煩。

今日魚獲都幾好，有牛鰍、紅油、細鱗等。但係最後大風大雨都不得了，我地連傘都斷埋，只好收野走人。

返到東薈城食野，個food court同city canteen幾乎一模一樣。我食了一個類似小菊的意粉餐，都ok ge。

11:59 pm | |

Friday, August 27, 2004 

要訓多d

昨晚諗住睇女子跳水，等唔到兩點，就訓鬼著左。搞到成日都好累。

今日Test下個program，發覺有少少bug。Fix完後，demo俾Bobo睇。點知睇到咁上下，佢change晒個requirement，我昨天做ge野等同於完全無做，真慘。

Lunch出左將軍澳中心食上海野，唔好食。叫左碗牛腩面，d牛腩甜到入心入肺，d糖好似唔洗錢咁。只後同杜B去買西餅，佢今日last day，買了西餅回饋大家。

之後，hea下、食下野、影下相、寫下program就一日lu。

返到屋企，怒訓，訓到八點幾就開飯lu。

飯後，出左街周圍行，望下d新產品。

11:21 pm | |

Thursday, August 26, 2004 

天黑黑~

今日差唔多全程坐係果位到寫program，臨放工前都差唔多完成，明天做多幾下test先。

下午的時候，我前面三個programmer扯晒火，完來公司將會把職位和薪酬脫勾。佢地走佢同老細理論，唔知有咩結果呢?唉!佢地真係慘。不過我地呢d未出身的更慘。

11:59 pm | |

 

睇相機

今日Office充滿火藥味。做Volumn Test，做到好鬼趕咁。

乜都趕，做到死下死下咁。做完睇表，已經四點半，決定唔再開其他野做。死都hea下先，結果全程玩ICQ玩左成半個鐘，等放工。

出到旺角，Joe突然打電話黎，話睇相機。於是勁無聊地搭返地鐵去中環。士丹利街一頭都有好多古董相機，Joe最後買了部Minota單鏡返光機。

返到屋企，超級?，完全唔想郁呢!

11:59 pm | |

Tuesday, August 24, 2004 

Program reading~

今日，主要trace program，睇返個system behavior。Program多到，都唔知自己trace左去邊，最後符碌都睇到個path。

放工，同joe去左睇相機，去左深水?、紅磡、尖沙咀。因為落雨難行，睇左唔係好多。結論都係未有。

11:41 pm | |

Monday, August 23, 2004 

累~

整天做ACSM online help，簡唔中check 下 MCS data。

放工，返屋企幫阿哥拿書，返city還。短短的路程已經晒左我好多時間，返到屋企，真係唔想郁。

唉!到時返學都唔知點算。

雖然係累，但係睇奧運睇到成兩點。

11:59 pm | |

Sunday, August 22, 2004 

下雨天~

昨晚睇了很多奧運比賽，睇了劍擊和籃球。立陶苑vs USA，結果係立陶苑win左，真係勁。

跟住就狂訓，訓到十二點。幫阿儀整好部電腦，就出去奧海城食飯，去左food court食。奧海城又有function搞，見到港姐、家燕姐、戴夢夢、譚永倫等。之後，同阿媽周圍行下，買下野。

然後一個人出尖咀HMV，幫表姐找下隻CD。路途中撞到Joe，但係佢出旺角，方向唔同，只好各自走。

*好憎落雨，幾時先停ah...

10:08 pm | |

Saturday, August 21, 2004 

補習班就黎開始lu~

一早，返左以前中學鄧鏡波，幫舊生會搞下d補習班事宜，今日主要係招生，收生情況都算ok。見到任sir 和 程sir吹了陣水，佢地話有勁多師兄都係HAECO度做的，不過我諗都無機會認識佢地ga lu。

今日係中一迎生日，有很多展板show了出來，原來都有很多勁校友，最等別的是Microsoft香港區的行政總裁和 王澤都係讀TKP。正如Joe所講，TKP真係好多勁人，但係唔知點解會收左我入去讀。

之後，整天下雨，真慘！只好狂睇奧運解悶。

11:59 pm | |

Friday, August 20, 2004 

電腦展

太耐先補返呢日的日記，工作上已經唔係太記得做左咩lu。

only記得lunch去左HASEL食。

放工，同Eric and Jess join埋阿Joe 去電腦展，佢地三個都有買到野，我就乜都無買。最搞笑係，佢地三個都覺得自己會中獎，狂係度聽d結果。

之後，去左銅鑼灣Hea，完全無目的，行了SOGO，行了Times Square，不過都幾開心ge，吸收下d人氣ma。

11:59 pm | |

Thursday, August 19, 2004 

等左成個幾月的一天

今早，約左大老細八點鐘係青衣城等，搭順風車入HAECO。好耐都未試過訓到成七點先起身lu。

HAECO係赤立角有兩個site。我地今次去飛機大修果邊。大修機地係機場的西邊，即係跑道的一邊，去果邊要經過一條路，果條路的長度等同於飛機跑道，有四公里咁長。大老細仲話係度釣魚一流tim。機地實在太大了，公司範圍內有很多部櫃員機lei。

今日主要係做volumn test，要係HAECO三個唔同地方run個program。到最後個program令到一部有4GB ram 的 Windows 2003 server死下死下咁。做test時，不時周圍走，而Office對出，可以見到跑道和停泊的飛機，好靚的。

Office對開的風景，同事話睇飛機睇過尾先可以認到model。屁股正中的是747，屁股偏左的是777。


之後，去了HAECO的機庫，係全世界最大的流動機庫，值三千萬的。911後，美國飛機係唔可以影的，只可以影自己公司的飛機，so only 國泰機可以影。



我地仲可以係飛機底行過，太開心了。


還看了飛機的engine


下午test之前，去了天台，幫手收一個wireless access point。天台勁有無間道feel，風景真係一流成個機場都望晒。而個AP，佢聲稱美國軍方都係用梗佢，成個發射站咁。

其實，今日的工作都算忙碌，但係心情有少少好似去旅行咁。好難得可以係機場範圍行來行去。

放工，搭返公司車出旺角，半個鐘左右就到lu。


Photo Album

晚上，慶祝阿哥生日，一家人去左打邊爐。食到超級飽。

11:59 pm | |

Wednesday, August 18, 2004 

好眼訓

今日實在太眼訓lu，搭校巴時訓著，返到公司繼續訓，訓到八點幾時醒，好在無人知。之後繼續寫online help，但係真係無乜心機做呢d悶野。

放工前，我地個program要demo俾大老細睇，大老細好buy個program。叫我同Brandon明天返機場，setup個envirnoment。返左咁耐工，終於可以去赤臘角lu，唔知果邊係點呢?

明天坐大老細ge車入機場，David Hung又同我地講佢架車係點，咩色and車牌number。果然佢係無野擔心，最擔心我地搭錯車。

9:10 pm | |

Tuesday, August 17, 2004 

無風的日子

早上，一開波仲未諗清楚個program點寫，但係睇兩睇，終於get到個idea。中午前，已經完成個program，Supervisor都好鐘意個style，勁叫我demo俾其他placement睇。

下午，大概都係寫下online help。無端端俾Supervisor話我為食，同埋行路行得慢。咁大個仔，第一次俾人話我行路慢，真慘。

放工，約左Joe周圍行，首先同佢去旺電買風扇，撞到Vincent。佢陪我地行了一陣，就返沙田join佢d friend。我地就去尖咀睇下相機，全部相機動輒都要成萬蚊，所以都係唔會買lu。

睇完，去左老正興食飯，講下大家的宿命。真係唔知幾時能夠打破宿命lu。然後行下文化中心，睇下有咩睇。再扮祖國人，睇下激光匯演。再hea行海港城。

今晚真係勁熱，一滴風都無。

11:59 pm | |

Monday, August 16, 2004 

出晒事~

返到去，繼續畫sequence diagram，真係痛苦。越畫越大，越畫越大。畫到A2 paper size。Eric就畫到A0，畫完都唔想check。

今日，我同Eric一置發現Jess同秘書姐姐，成個餅印咁。

下午，繼續做testing，做到釣晒魚。仲要一做，做兩個，咩魚都釣晒上黎。臨放工前，又俾Supervisor急call，俾半日我地寫個program。唉，明日中午前就要交貨了。都唔知點死。

11:59 pm | |

Sunday, August 15, 2004 

UAT + 懶洋洋的星期天

晨早留留，起身remote公司的電腦做UAT implementation。我要過晒十一點前的program，俾人做UAT。八點左右起身，搞到成十一點。結論係一個program都無，真係無聊。之後，hea左陣，就訓返陣先。

起身，出去同屋企人飲茶。飲完，返屋企碌下碌下，睇下體操 & 氣搶就一個下午了。

今日總算有機會休息。

11:59 pm | |

Saturday, August 14, 2004 

小Q

下午終於看了小Q，都ok ge，唔係好似eric講到咁差。不過d情節係咁飛，鏡頭轉下就過左幾年，轉轉下由小狗變成大狗。不過都係小狗得意好多。

之後搭船去會展，去美食博覽飲飲食食，東排排，西排排，試食了很多。還買了個火龍果雪芭食tim，真係好好味。好想再食多次tim。買了罐Chocolate，個罐好靚的，仲有買了盒道地出的茶包，係人參烏龍茶，好似好好飲咁。

係會展消磨了幾個鐘後，一出門口，就落大雨了。等等等，等到停雨，先搭叮叮去中環食飯，行了一個圈都無乜心水，最後都係去了九記食牛腩麵。由於天雨路滑，行鴨巴甸街，係會勁驚的。如果"扇"左落去，都唔知會唔會俾人笑廿年。

之後，去返中環搭船。等船的時候，企係窗邊研究梗新世界外牆的字，突然見到尖咀放煙花。企正個靚位睇，真係開心lu。都唔知今日係咩日子，成個尖沙咀都係人，仲要放晒煙花咁。

去到尖咀，係海傍hea了一陣。有個嬸嬸行埋黎，叫我買支花行下運，真係經典，係尖咀買支花開運。係星光大道坐了一陣，睇住d人影相，估唔到真係有人把個頭塞入去個大菲林度影相，勁搞笑。

之後，諗住去LCX的士多啤梨Forever食甜品，但係關了門。只好轉去糖朝食糖水。糖朝真係好野，d糖水有乾冰做裝飾，勁好玩。咁大個仔，第一次玩乾冰，勁開心。

返到屋企成點鐘，沖完涼，睇奧運。睇了女子雙人三米彈板跳水，真係勁好睇。郭晶晶無晒少女的味道，估唔到四年的變化真係大。到最後，佢地都拿了金牌，真係實至名歸。

11:59 pm | |

Friday, August 13, 2004 

Sequence diagram

今日同eric做好過diagram，show 俾supervisor睇，但係佢話唔夠detail，要再detail一點。其實Sequence diagram 係畫normal execution path，唔會畫d extreme cases，但係佢要到，我地只好照畫，畫到一大舊野咁。再show俾佢睇，就收了貨。

食完lunch，成team人去玩UNO，未試過咁多人玩，幾開心下，但係初時玩，唔係太記得d rules，所以都無乜cut牌。之後都好d，最後我竟然係第五名，但係only頭四名會俾人請野飲，所以我都係要俾錢請人的。

下午，繼續做大test，個system快左，少左好多exception，得返少少deadlock和timeout，改得真係快。

之後，Supervisor又俾UML我地搞，真慘。最憎做的，就偏偏成日做。

晚上，阿哥請飲野，去左蘭桂芳hea左陣，太開心了。

11:59 pm | |

Thursday, August 12, 2004 

孤獨老人

一早Supervisor黎搭訕，話果Spec下個星期左右就出到俾我。本身話用一個鐘頭寫ge Spec，用左成大半個月寫。唉!佢話熟framework and system 的人要用幾日寫，佢就俾一個禮拜我。真係開玩笑。

中午，去左將軍澳站附近的美心大酒樓，一如以往都係租架車去。十二點左右就出發，食到兩點先返去。果度$58任點任食，再加一杯果汁，OK抵。今次開左兩圍，同事猛話下次唔係美心就唔去，幾搞笑。我地瘋狂叫野食差唔多全部都係X3，d野食不斷咁黎。初時都好d，一來一吃，台面都可以保持空檔。但係之後，野食不斷黎，食的速度又開始慢，開始成台都係點心，最高紀錄?面有成三層高的點心，成個點心山咁。

但係我地呢?，後生仔多，到最後都差唔多清晒。還加了幾碟甜品，highly recommend菊花糕，非常清甜。

返到去，Supervisor要我做UML，畫sequence diagram。本身對UML的認識差唔多等於零，現在還要睇埋windows service和thread的code，真係慘。d code入面有很多if-then-else，try block裡面又有很多try block，睇死人。其實，呢個situation應該畫activity diagram。

放工，搭公司車出沙田join 阿joe。去沙田的車，比較多站，用左成十個字先去到。去到沙田，joe仲未搞掂，係新城市廣場行下，買了些東西。之後食越棧，然後就去大會堂睇歌劇--孤獨老人。阿joe的表姊有份參與的。雖然平時好少睇歌劇，但係都覺得幾好睇，幾好笑。

睇完後，Joe做了戰地記者，周圍影相。然後就去左許留山飲野，and 返屋企lu。搭了架高速81號，唔洗半個鐘就返到屋企lu，勁!

11:59 pm | |

Wednesday, August 11, 2004 

生活開始有意義了~

早上，寫了陣User menu。呢兩日做ge野，我都唔係太鍾意。做左陣繼續研究Encryption，開始有成果了。不過其實就黎出的Visual Studio .Net 2005，用.Net framework 2.0，已經支援XML Encryption。

今日係中學會考放榜的大日子，今年有一個性格同我極相似ge表弟放榜，竟然分數都和我一樣，係原校升讀，真係替佢開心。

另外，今日係國泰航空(0293.hk)和香港飛機工程(0044.hk)公佈中期業積的大日子，兩間公司都有盈利和派息。Intranet一早已經有頭條消息lu。

Lunch去canteen，又見到皆大歡喜。見得太多，已經麻木了。近日，TVB起梗一個舞台，唔知有咩用呢?起得好靚的。

放工，因為落雨，去左新世紀ICE FIRE買左把靚傘，見到個袋都想買，但係要成三百幾，都係諗諗先。

返到屋企，hea左陣，又去新世紀的SAMSUNG整電腦。果度真係好服務，d staff又專業，唔會答埋d白痴答案。我同佢講個keyboard打唔到字，佢同我講"我叫師父幫你成塊換左去la"。跟住我口痕話果mon，有小小白印，佢同我講"我叫師父幫你成個mon換左去la"。真係勁開心，幾想同佢講個notebook case有少少花，等佢成部新的換俾我。

9:08 pm | |

Tuesday, August 10, 2004 

Testing

今日返到去，聽到有人提及"六個後生仔"呢個字眼，終於feel到有野做。

早上，有個briefing俾我地，主要係做testing，test MCD，一個demanding system。每個人都有唔同的角色，有buyer, engineer等。前面的ricky講笑話"洗唔洗落去?貨"。個test好似好大咁，連秘書姐姐都唔放過，要佢一齊test。

Test未開始時，Supervisor俾了張UML我地，叫我地幫佢check 下d 野。我地滴晒汗，完全唔記得果種係咩diagram，最後先知係Sequence diagram。

Lunch去canteen，又見到皆大歡喜，我同Eric次次都俾阮兆祥啤住，真係唔知點解。

飯後，Test就開始，成個test充滿exception和timeout，試得好辛苦。Test中，有人蛇王，俾Bobo發現。果個人即刻話"User累都要飯杯水的"，個style完全同我地幫CK Poon test software一樣。

臨放工前，都係無野做，同Eric講下飛機。佢果然對公司忠心，鍾意國泰ge飛機。

返屋企hea住陣，去左奧海城買左好多零食，Good!

晚上，發現notebook果keyboard廢左，勁想死。

11:59 pm | |

Monday, August 09, 2004 

National Day of S'pore

今日係新加坡的國慶日，真係令人回味，那個National Day Parade，有歌星，有戰機，有閱兵，有李光耀，哈哈。今年首主題歌，唔再係孫燕姿同埋蔡健亞唱lu。改左做choir唱，都好好聽。


11:22 pm | |

 

難道我已習慣hae的生活?

返到公司，大概已經知道無野做lu。Supervisor忙，老細又係赤臘角。

早上自己研究Crystal Report同埋Windows Services。對Crystal Report有進一步的認識，之後再研究Message Queue，真係唔睇唔知Message Queue加Windows Services真係好powerful。睇左成日，發覺windows真係好勁，.Net就更加勁。

睇到咁上下，好無聊，聽下歌，飲下茶，睇下都市日報咁。同Poly的Kenneth icq傾下佢架新油車，真係有錢了，我都好想買返架。

食飯的時候，先發覺Jess著到成個OL咁。正想問佢做乜搞成咁之際，Eric叫我唔好問，佢話今早kenneth問完，俾jess插左幾下，haha，可能佢俾個工人激親。

飯後，開始研究點解自己部機用唔到flash drive，研究左一陣，終於solve到。正如eric所講，我不斷改善生活。因為我實在太無聊了。

之後，繼續研究windows的registry，發覺佢真係好好用。寫Windows application者，一定要研究registry，太方便了。

如事者，我不斷睇MSDN為自己增值。放工，有少少野做，就係做兩個UAT的implementation。

大家有無留意街上的路牌轉了Style，加了門牌號碼。雖然方便左好多，但係覺得以前的，比較有殖民地的味道。
新路牌

9:53 pm | |

Sunday, August 08, 2004 

出camp

無訓覺，早上joe夢遊，教我同mike打拳。我同阿mike都有小小無奈，都唔知係唔係俾個傻仔玩咁。

之後，joe整了一些熱狗俾我地食，食食下，又出左去碼頭果邊食早餐，勁飽。

然後就搭船出香港，佢地精力旺盛，去睇小Q。我就得返半條命咁，返屋企訓覺。

11:59 pm | |

Saturday, August 07, 2004 

梅窩camp

訓左一陣，就出發join 大學同學們(人太多，我又老人痴呆，數極都數唔齊人，惟有唔寫)去梅窩camp。

其實，今日太累lu，一來無早d訓覺，二來平時返工，我每一日都係訓得六個鐘，積埋積埋都未清。所以去camp的時候，成個人都好累，唔係太想郁and用腦。我的time planning真係有點兒問題。

我地首先去東涌買野食，用作夜晚BBQ，買了很多很多，最後好多野都食唔晒，要帶返屋企。

我地去到，拿房的時候，租了兩架單車，我就無端端租了一架，貨車式的單車用作運貨。車頭已經四五袋野，車尾仲有一打啤酒，架車係完全失平衡和超重的，要行一段又窄又斜的山路，真不容易，楂都上去，已經出晒汗。但係仲俾人話我，唔識踏單車tim，真慘。

之後，去左沙漠玩波，同埋d group game，嘉莉仲俾我地用水槍射都濕晒。

晚上BBQ，食左唔係好多，因為個爐唔夠大，十幾條友圍住個爐，d 野食要等一萬年先熟。所以食左三四轉已經give up。食完野，去左沙灘，食野同玩野，我, patpat, eric坐坐下，楂了架單車周圍去，超正，好涼爽。雖然有小小恐怖，但係真係好正。條路真係要試，上完一條完全唔吃力的斜路後，落斜就好似楂電單車咁，成個字都唔洗用力踏車。

楂完車，佢地玩truth and dare，玩得好開心。我地三個就講下自己的過去，真係唔聽唔知。然後與會者越黎越多，聽的野，就更加多。聽完感覺唔係太好。

有時真係想回到過去，人際關係簡單得多，無咁多野諗。由細到大(直至現在)，我總是比較天真，只有對我唔好的，我才會視他作敵人。朋友係唔應該有猜疑，只有溝通才能解決誤會。

中三任sir的一句說話，真係終身受用。解決了我不少的問題。

11:59 pm | |

Friday, August 06, 2004 

好鬼悶~

太無聊喇，hea到眼紅紅。

Supervisor越忙，我地就越Hea。早上，自己研究installer同埋software deployment。

之後，去左隔離的HAESL(香港航空發動機維修服務有限公司)食飯。裡面果個canteen係大家樂呢!返公司的時候，見到一個無線女新聞報導員，但係唔記得左咩名lu。

下午，繼續無野做，supervisor繼續好忙。我就繼續hea，呢兩日完完全全無做過公司野，連影印一張紙都無。主要都係沖下普洱、香片和咖啡。

唯一對公司有貢獻的，就係朝早用$16蚊食左個早餐。

大project的spec都唔知幾時到手，唉!!!

9:41 pm | |

Thursday, August 05, 2004 

好悶呀!

太無聊la，返左成日工，完全無野做。等Supervisor d spec真係蛇都死。

早上，自己研究encryption，睇了一d code example同埋algortihm，無聊得還可以接受。

下午，飯氣攻身，悶到發癲，靠ICQ過活，好辛苦先等到放工。

如果繼續研究encryption，遲早變John Nash，思覺失調都有份。

11:59 pm | |

Wednesday, August 04, 2004 

期待大project的出現

今日九點鐘就寫好個program，可以demo得。但係supervisor好忙，唔得閒睇demo。於是，我又萬無目的，hea下，吹下水，ICQ下，聽下歌，上下網咁。

食完飯，佢都係唔得閒，我繼續objectiveless地消磨時間。到差唔多四點鐘，佢終於過黎睇demo，真係好。其實，個個都等我個program開飯，個個都等梗我d code。Demo完，終於可以寫implementation form去request 過production。但係唔駛一個鐘，我就搞點晒。於是，繼續hea，得閒沖杯茶，得閒就去下廁所。等到四點五十幾分，就走人lu。Supervisor話遲d 有個大project俾我寫，應該係一個大挑戰。

之後，同Eric去左黃埔，要同Vincent慶祝生日。今次好多人，有成十二個人，好熱鬧呢!去左蔡蘭美食坊，食擔擔面。發覺Joe原來都係大磡村人，估唔到細細個已經係街坊，可能大家阿媽都相識的。大家的故事都係圍繞呢間擔擔面店。哈哈!

11:59 am | |

Tuesday, August 03, 2004 

Constraints?

今日繼續研究transition的問題。繼續做Eric的代言人，因為supervisor每次都係打電話俾我，然後我再轉述俾Eric，真係無奈。最經典的係，Supervisor打電話俾Eric，叫我聽，但係佢係問Eric ge野。

Transition問題，最後諗左一個solution，就係係Database Server度set constraints。上網找了很耐，但係網上的資料都好少，好似無乜人用呢一樣野咁。撞撞下，發覺SQL server唔support columns constraints，唔support constraints裡面的sub-query。就係咁，我花了數個鐘頭，但係實質工作就原地踏步。

今日，Supervisor請了半天假，睇狗wor。咁我都係半hae半做，佢地係度睇公司的Newsletter tim。

放工，撞到阿mike, William and 阿宏，佢地佢睇大閘蟹，我就跟埋去睇，估唔到大閘蟹都有人養的。然後就去左皆旺睇下CD, 玩具 & 相機。

返屋企，hea左一陣，就去左奧海城買d野食。買左幾多野，有野食，有野飲。仲無端端用左廿幾蚊，買左之頭抽返屋企試tim。但係無適當的食物配合，試唔出佢真正的味道。

9:30 pm | |

Monday, August 02, 2004 

朋友已走~

今日終於完成個tab page，demo俾supervisor睇的時候，突然加了些很難的requirement。Requirement有點像ACM的題目。都係 1→2, 2→3, 但係唔可以3→1的transition problem。

但係比ACM還要難，因為牽連很多web services and database connection。到最後，因為眼訓，都係研究下database就算了。

晚上，和西班牙朋友食了最後的晚餐，今晚佢要走了，飛去澳洲。雖然認識唔深，但係眼見一個朋友要飛走，真係有點唔開心。

晚上，朗豪坊上的波會變色的
朗豪坊

9:06 pm | |

Sunday, August 01, 2004 

雲霧茶 ~ 一流!

琴晚，屋企多左一個訪客，係阿哥一個外國朋友，係一個貌似費高的西班牙人。佢黎香港三人，會住係我屋企。

今日本身約了朋友去街的，但係朋友臨時唔得閒。就陪左屋企人同呢個西班牙人，去大嶼山玩。

去左好耐無去的寶蓮寺，食了好耐無食的素菜。然後就周圍走走，寶蓮寺商業化得很厲害。然後就行左一段林蔭路，好舒服呢!又唔熱又唔多昆蟲。行行下，仲有一間自己親手種茶的茶舍，我地係度品下茗。佢地種的叫雲霧茶，好香的。地方真係舒服，俾樹木和竹林包圍住，好涼爽，好寧靜。

坐係度食茶，真係舒服。所有煩惱都無晒，個腦可以完全得到休息，真係好正。雲霧茶茶味香濃，飲完一口茶香，真係一試難忘。

晚上，食埋飯，返到屋企就差唔多十一點。佢地就去，蘭桂坊玩。

大佛

10:48 pm | |