Patrick Diary

今日返到公司，好靜lei，好多人都放左假。Jess去左泰國，Eric去左紹關，CityU ge得返我一個。起初，仲有d holiday mood，完全唔想做野，好hea lei。之後，因為要急搞個LogErrorDispatcher，所以先精神返。

由於人少ge關係，好快就叮完飯了，同Kenneth兩條友，行山咁，行下個工業村。個電視城行極都行唔完。到最後，差唔多鐘數，就返歸，行到&曬到出晒汗咁。返到公司，累到唔想郁。

放工後，去拿影印，撞到阿琪。好似好耐無見過佢了。

之後，撞到阿珠，佢返工返得好辛苦咁，朝九晚九。做office，仲要去SOGO做埋sales。叫佢食糖水，都累到唔想食。

今日起身，已經兩點鐘，訓得好飽呢，"菲茲"都好返好多，講野唔洗再一舊舊了。

之後，同mike chat了陣，佢ge situation同我差唔多，真係唔知可唔可以用"無聊"黎形容大家。

ICQ中，Eric突然問我太古員工會ge網址，佢話係yahoo search唔到，一search就search到我個diary，真係搞笑了。原來正名係太古職員會，怪唔得佢search唔到。

然後，我要預備補習ge Notes。因為黎梗個兩次都係我prepare notes，所以份量都好多。Prepare ge係中一數學科--一元一次方程，我做了一份五頁ge notes。做左五十幾題一元一次方程，不消十分鐘已經做完了，真係開心。

做完，同阿Sa傾左陣，真係家家有本難念的經。人人都有自己的故事，佢最尾講果句，令我諗左好多野。

"當你不再是為自己而活的時候，你便是大人了。"

今日係中秋節，一返公司，完完全全係發夢狀態。琴日d exception又repeat唔到，完全唔想做野，等放工。Jess就放假，去泰國玩。Andy就去左日本。搞到公司好正。

Lunch time，Kenneth對劉婥琪和家燕姐念念不忘，故此三條友，Kenneth, Eric & 我再次行出街遊蕩。今次一個明星都撞唔到，見到一架好特別ge巴士。

據專業人士Eric透露，呢架去電視城ge巴士，係想當年中巴ge車系，用了新巴ge裝飾，但實際上係城巴。

返到公司，影了Kenneth 個位，好有Programmer ge味道。

今日，四點鐘就放工了，四點零四分就開車。點知係太子嚴重塞車，四點九先到達。

返到屋企拿拿臨訓返兩個鐘，超級累呢。之後一家人食埋飯，就去維園玩火了。玩到兩點左右，就散水，超級累呢，隻腳好似唔係自己咁。返到屋企，本身想睇埋波先訓，但係結果都係訓著。

今日Supervisor印了五百個exception俾我地d placement solve。大部份都係Material Control System。

搞左成日，都係solve左一個exception。

上堂，繼續悶死左。

星期日，絕對係訓覺ge日子，醒來已經日上三竿。上網睇Yahoo!新聞，得知CS department有個Associate Professor ge老婆，因為產後抑鬱，抱住個仔跳樓。雖然唔識果個Professor，但係覺得佢好慘，一日間無晒最重要ge野。

之後，都係過d懶洋洋ge生活，去左奧海城食lunch，再去百佳買零食，買左好多lei。

睇左陣書，再訓一陣，再過hea ge 生活。

一早返左中學補習，今年收生得唔差，d細路乖好多。

返到屋企，再出去俾個腳架Gordon，佢趁十一黃金週去澳洲玩。之後，同阿媽去食魚旦粉，去左一間幾出名的，食左魚片頭麵，d魚片頭好好食，可惜d麵就麻麻地。

然後，再返屋企做公司野，做Librian implement program。唉，揀個time-slot超級唔好，勁多野做。今日過ge program，唔係行UAT，全部都係行Production，有少少驚做錯野。

之後，去左睇聖教慾，個男仔唱ge Moon River，真係極之好聽。然後hea hea下，去左尖沙咀，走來走去，食左澳門茶餐廳。然後，行左去九龍公園，睇下d中秋花燈。


然後，再飲埋Starbucks就返屋企了。

今日又接job，個個都大野，database update 時間有問題。連Senior System Analyst都解釋唔到ge問題，又再俾左我跟。又要睇windows service，一個try完又catch，catch完又try，try 完又loop ge program，真係唔知點跟。

到最後，好大膽地叫supervisor set 快部SQL server ge 時間，再black box地試個program。都係找唔到真正ge答案，到最後諗住做個enhancement ge MOD，就算了。一句 Now.ToString 和 Now.ToString(s)，waste左我一個下午debug。

中午食完飯，係公司附近周圍行下，勁無聊地係路中心地合照。

HAECO CAO 的 building


對面無線的古裝街

係無線入口見到劉婥琪，狂俾佢啤住我地三個。返到佢又見到皆大歡喜。

晚上和Joe睇了機場客運站呢!

今天過了program，接了一些bug fixing ge job。接完一個又一個，開始stack overflow了。

今日公司有月餅食lei。食了四分一個，又俾人話大食，真慘。

今日，一開波做hea task，就係用VISIO 畫返公司Computer Architecture的簡化圖出黎。做呢d hea task突然感到好開心，完全無壓力，唔洗驚d program整死人。



之後，又再debug program，做下crystal report，做下MQueue，咁就一日呢。發現HAECO的客戶，除了航空公司外，地鐵都係客戶之一。

今日整天都天黑黑，搞到心情都係悶悶的。

CK Poon send 了封email話唔再做ACM的Coach，改由Duncan Wong做。Email中有兩句好似好感人ge說話：

"I find it impossible to look after you guys. I feel I am becoming more and more distant from you."

終於諗到琴日ge bug係點解了，係concurrency問題。Database做唔切update，就出問題了。

Fix 完，再做了一些MQueue的工作，就一日了，好累呢。

今日，公司有月餅展銷，有榮華、大班、恆香、美心等公司。D阿姐阿嬸勁叫我地試食，美心仲要有個超級靚姐姐tim。價錢上俾街價平好多，Eric買了盒冰皮，我勁無聊地係恆香買左盒蛋卷返屋企tim。

另外，阿琪同Lydia都係今日生日，祝佢地生日快樂la。

早上做了一些MQueue ge debug 工作。之後，接了Ricky的一個task。

這個task 係fix 一個crystal report的bug。係我返工而來，最難fix同埋trace ge program。呢個program，真係有N-tier，唔係好似平時係database, business logic, presentation tier，呢個project有四五層，Crystal report收埋勁多field，個個tier都做好多野，連去database，都有五六個view，每個view join 五六個table，要狂諗狂trace個program，個腦完全係thinking status，但到放工，都係無乜結果。

放學上堂，上無聊堂，超級無聊，仲要連上四個鐘，真係想死。個鬼佬仲要無乜point的，waste time。

搭了很多不同的交通公具。

今日一早起身，返了中學。因為今日係補習班的開始，校長give了我地一個簡單ge briefing。初時，都係講下我地應該要注意ge地方，到最後無端端祈禱，太耐無講"因父、及子、及聖神之名"呢句說話了，有點生疏。

補了兩個鐘頭習，就出返旺角同屋企人飲茶，d野食黎得好慢，搞到有點眼訓。

然後，就出發去淺水灣join Rita & 細佬, Pauline, Karon去游水。點知真係黑仔，十年唔搭巴士，一搭就壞車，行到半路，就要落車等第二架車黎。搞到遲到tim。

去到，Rita話唔方便游水，Rita細佬又話唔識游水，到最後都俾我地拉左落水。Rita更首次去左浮台tim
。

入黑，去左PizzaHut食dinner，食到好鬼飽。太多芝士了。之後，各自歸家，途中係油麻地見到"耶穌是主"，呢個經典banner。

繼續打仗般ge工作，要救個system。要快、要唔好錯，真係好辛苦，好累。

整天接電話、改code、implement，真係唔想郁。d野又多又亂，Supervisor debug MQueue，de到發脾氣，想叫我de。好彩突然有更趕ge野做，打消左個念頭。

到最後四點，知道d野都係做唔切，我只好hea下、relax下。

放工，同joe去左深水步睇相機，價錢方面都幾貴。之後，就去左IT行，真係多靚女，然後等埋mike和嘉莉一齊食飯。

之後，就返左屋企。十一點就訓了，因為真係超級累。

今個星期，真係好黑仔。今日唔記得帶ge係電話。無左電話，感覺總是怪怪的，唔係太方便。

工作上，再次好似打仗咁，d task堆績如山咁，波都未開，又要做第二樣，好累呢。近日將軍澳同赤立角兩邊site ge database負荷太大，sync ge 時候，成日都出現問題，需要改code，把重要ge services直接連去赤立角。

另外，因為太多人generate report，好似話一日有幾萬個report，搞到database又死下死下咁。咁我地要迫切咁改framework，將所有野放入MQ先，再放入database條Queue。

搞搞下，最後竟然要OT，真係慘。

搞點，返左city搞野，就返屋企了。返到屋企已經唔係太想郁了。今日完完全全開行了個摩打做野。

今日真係忙到死，超級多野做，d Program寫完一個又一個，下下仲要好趕時間，趕住過production。個個task都係改framework，又係一錯就全村人死晒咁。超級大壓力呢！

放工，返左city，但係做唔到我想做ge野，就返去中學搞下野。返中學途中，見到一個女仔超級熟口面，大家都互望左對方幾秒，可是我都係諗唔起佢係邊個。行左幾個街口，終於諗起了，原來佢係我地今年搞年宵隔離舖ge女仔。之後再返city，同中學同學傾下個補習班係時宜。

開完會後，就同Joe & Angel去左深水步食糖水，成晚都係度諗點樣發達。

近日，都好似好黑仔咁。琴日趕唔切搭車，今日就唔記得帶飯食。

今日，做返個help documentation。之後就有新task做，幫ricky 寫張form，係for CAS system。成張form唔係太難寫，係一個MRM-Multi record maintenance，做左一陣就搞掂了。

睇intranet得知今個星期日，會有新ge飛機model黎香港，唔知靚唔靚呢?

唉，因為早左起身，hea hea下，竟然遲左搭校巴返公司，只好自己搭地鐵去坑口轉巴士，返到佢七點五十幾分，竟然無遲到，不過就waste 左成十蚊了。

整天都無乜野做，做了兩個task，一個係data entry，一個係trace program。我開始變成一個trace program ge 高手了。跟住差唔多整天hea了。

晚上，同 同學仔買了六合彩呢。

今日，係投票ge大日子，阿媽再三叮囑我地去投票。我地就係食飯之前，去左投票了。我投左廖成利一票，但係我諗佢都係無機會ge多了。

去左奧海城食foot court，那間御廚真係天下第一難食，d staff仲要串串下，真係見過鬼都怕黑，下次死都唔去。

然後係奧海城周圍行下，睇下有咩買，就返屋企了。沿路，去左馬會買六合彩，我買了廿蚊。希望星期二ge七千二百萬有我份la。

晚上，諗住去食"老趙"，原本諗住去油麻地老店，一來近，二來係總店ma。點知超級多人，有d有錢人更drive架法拉利黎食，真係完全想像唔到。

見咁多人，我地就決定去黃埔果間分店了，食左好多野，好飽lei。

早上返city幫阿哥還書，順便搞埋MTR d 野。

之後，返到屋企整整部電腦，就去鑽石山睇A1-頭條。一套唔錯ge電影。

去左慈雲山，食dinner，食埋糖水，就返家了。

今日，返左工一陣，就feel到整天都無野做lu。我就足足悶左一日。

放工係新世紀行，行左一陣撞到Annie，同佢去左老麥食左杯雪糕。佢就同Bonnie一齊食飯，我就搭車去佐郭食飯。

去到佐郭經過一輪ge小插曲先去到尖沙咀，真係辛苦呢!

食左好耐無食ge老麥，之後就周圍行and hea。到最後去左諾士佛階。嘩，無去一排，差唔多完全變晒，好靚呢。飲埋Starbucks，就走lu。

普通ge一日，都係bugs fixing。

琴晚原本諗住超級早訓，但係突然間Dorothy問開三緣ge野，就同佢嗲左幾句，最後成十一點先訓。

雖然早訓，但係都係勁累，起身時，累到眼都開唔到，真慘。返到去，同Brandon 食左個早餐，我地係全公司最遲離開canteen ge人，真係hea。

之後，debug CAS - Component Avionics System，搞crystal report，第一次實戰Crystal Report，真係幾好玩and powerful。

然後，有d少task做下，就放工了。

無聊同Eric講，得閒印返個太古logo ，放係個位後面，扮HAECO d 工程車and 國泰d 飛機。

晚上，約了Novia and Kammy食飯，去左尖咀食PizzaHut，講下自己d近況and近排d經典事，真係開心。

好眼訓，整天都好眼訓，唔想郁，唔想諗野。

係十八個server穿插完，結果係得個吉。明天待續...

今日，晨早留留話framework有問題，仲要係赤立角果邊有問題，我要研究邊樹出現問題，到最後係SQL server出timeout & deadlock。無得救。有人提意，把一些table放回赤立角，但係最後都係睇定d，敵不動我不動wor。

之後，幫阿ricky fix bugs，fix左一陣就搞點lu，但係佢非常忙，無時間理我。

之後，返City上左四個鐘頭堂，好累lei。

今日，睇新聞得知天光道勾了地皮，真慘。睇黎遲d我中學旁，會有幾棟好高ge building lu。

出街飲茶，同屋企人周圍行。

路途中撞到表妹，傾左幾句，原來佢地趕住去買書，

之後都係周圍行& hea消磨下時間lu。

今日醒來一點鐘左右，都算早起身了，因為琴晚差唔多天光先訓。

起身，同阿媽去左奧海城食野，然後周圍行下，就返屋企做UAT。

今次做3-4呢個time slot，我上手logoff左，將d program熄晒，我一開就乜都無晒lu。星期一又俾人問罪lu。

之後，就出左尖咀同Annie慶祝生日，去左PizzaHut食，成十三個人食，一字排開，好似食最後的晚餐咁，耶穌再加十二個門徒咁。之後就去左海傍hea lu。

今日狂做MCO，幫人地fix bug，做完一個bug，第二個bug又黎。狂trace program，trace trace下，原來將軍澳呢邊個database整少左個view。真慘。

下午，個system出唔到report，俾人話我整死左，真慘。但係我com都無compile過，點整死人呢。好彩，佢地找找下禍根，原來係老細Elson搞的，我先得到平反。

放工，同Eric搭公司車放工，呢個星期，好似我搭咩車，佢又搭咩車咁。今次我地搭元朗車，佢搭到總站元朗，然後返大陸，我就搭到去屯門碼頭。六點一二就到達碼頭，因為太無聊ge關係，就決定行去咖啡灣，順便周圍行行。

原本約了中學同學七點鐘，係咖啡灣等。但係drive車的，遲左個幾鐘；係大陸返training ge，遲左三個鐘。我勁無奈。

一條友行，行下海邊hea下，望下。之後係三聖站邊ge恆福廣場，嘆冷氣。門口間HSBC很恐怖的。那些入卡位、出錢位，會有冷氣噴出黎的。

之後，繼續行，行過新咖啡灣、舊咖啡灣，到最後去到黃金海岸。這時候只不過係七點四五左右，於是行下d攤位、店舖，loop左幾次，就求其找個位hea。打電話俾好多人聯誼下，好耐都無做過呢個動作了，太悠閒la，哈哈。

八點左右，車隊終於黎到。一黎就高速起爐，狂燒狂燒咁。講下大家ge近況，吹吹水，就一晚。Gordon十點先從大陸返落黎，到佢黎ge時候，每個人都飽了。同佢地食飯，成日都講返起中學ge無聊野，真係開心。好多野唔講，都唔記得了。講講下，講返我地中學鄧鏡波，名ge由來。唔講真係唔記得，"鄧鏡波"係考車必要做的，每逢考車，首先check下張"鄧"，睇下個sit位好唔好；然後check下塊"鏡"，睇下d位，right唔right；再最後睇下"波"棍，check下有無問題；先至開車。

搞兩搞，差唔多兩點鐘，原先諗住入元朗食涼粉，到最後竟然入左黃埔食冰，真係估唔到。drive drive下唔見左劉迪鞍架車，我地幾驚佢drive快車，俾人影相。條友又串咀，幾驚要去差館保釋佢。到最後都無事，但係佢去左邊就一個迷。

食完糖水，返到屋企都三四點了，佢地仲要入返天水圍訓。

今日一返去公司，一如以往去cafe HAECO買咖啡。果個staff已經知我飲咩了，一早已經沖好，真經典。

上午，無乜野搞，改下d guide and help。ICQ一下，就過左一個上午了。

下午，開始有野做，唔洗再改framework，做一d同飛機更有關的MCO system。但係下午全情睇code，做research。到最後都有d idea，但係好似untyped dataset做唔到。

今日差唔多全department ge 人都齊集係將軍澳，赤立角果邊應該真空了。大部份人都去左開會，開左好耐。我就寫埋個guide，不時聽到人閒談。聽到佢地講赤立角HAECO釣魚有幾好，真係立刻手痕。

突然秘書姐姐，送上HAECO的全新mouse pad。Ricky狂拿塊mouse pad黎笑。其實，呢塊mouse pad，係老細從幾款中挑選出來的，咁都俾人笑，都幾慘。haha...

Jess上午打電話黎找我，Eric唔覺意cut左條line。Jess再次打黎，今次我接了，一聽就俾Leader問罪，真慘。再次幫Eric硬食了一下。

下午，已經完成了手頭上的工作，起初都係靠ICQ為生。得知Joe請sick leave返左屋企，人病佢病，病到上左成日網，仲話無菲林影相tim。

之後，繼續做online help，同埋寫好耐無寫ge JavaScript。