Patrick Diary

今日整天做一個send email ge program，好奇怪，每逄一test個program，總會有一些junk email send 過黎，每次都空歡喜一場。

放工，同Eric和kenneth去左灣仔行左一陣電腦城。之後去左銅鑼灣找Lydia食飯，佢遲到，搞到我係CWB勁無聊周圍行行。佢因為補習補遲左，搞到遲左半個鐘先黎到，佢用左三個字由鴨利洲黎到銅鑼灣，真勁。

去左Times square對面ge SUZUKI食飯。佢係一間Tokyo cafe，入面坐得好舒服呢，d位好大，仲要係sofa位with cushion。叫左三碟野食，有明太子意大利粉、豚肉薑汁pizza & 蜆焗飯(已經唔係太記得個名了)。個意大利粉真係超級超級超級好食，連配菜ge青瓜，都整到一試難忘。三碟都好好味，好開心呢。原本諗住請佢食飯，點知無端端俾佢請返，食左佢二百幾三百蚊tim。間野真係幾貴下，真係唔好意思。呢間restaurant係朗豪坊12/F都有分店的。

大家好似好耐無見，講左d生活趣事。講了佢演藝學院的生活，好特別咁。原來演藝出名難食ge美心，某些員工搬了去City ge 新小菊。唔怪得咁難食la。另外，講開SS最廢的阿sir，原來最廢的真係Vincent & Graeme LANG。唉!兩個最廢ge阿sir都上晒，完全對SS dept無好感。

食完飯，去左CitySuper找 Manuka honey，一開始以為Manuka係一個牌子，點知係一種花名。

之後，去左麻布茶坊食刨冰，太耐無食了，叫了一個黃金粉刨冰，真係超級好食呢。不過今次無食果個炸南瓜、蕃薯，有d可惜。

食飽左，已經十一點了，返都屋企都好累了。