Patrick Diary

今日一早為了偉大ge教學理念，拉著疲倦ge身軀返中學補習。對住班嘩鬼兩個鐘，真係搞到佛都有火，罰左幾個細路企走廊。

之後，原本諗住去牛棚書展行下，但係都係整電腦重要d，所以出返旺角整。唉!個鉸要整成個星期，真係慘。

下午，同表姐周圍行行。

之後，返到屋企用電腦ge時候，竟然俾雀仔啄。真係不可思疑，係室內都被雀仔啄。

隻雀仔，我諗係誤撞入黎了。雖然耐唔耐都有一次，但係今次隻雀仔係最靚的。我諗都無諗，就關好門窗，落街買個鳥籠和一些糧食俾佢。


行到去雀仔街，眼見d籠size細到爆，d糧食又有幾十種，突然feel到佢會好慘。因為我連佢係咩品種都唔知，我又點養佢呢。故此，決定放佢一馬了。

返到屋企，俾左d磨碎左ge花生佢，佢唔係好食。阿媽俾左d水佢飲，佢竟然狂飲，睇黎佢飛到勁口渴了。佢係我間房飛來飛去，影左一陣相，就開始打開門放佢了。



點知放佢ge時候，佢竟然抓住我隻手，有d唔想走ge感覺。於是我決定成隻手伸出窗外，然後放佢出去，點知連續幾次佢都飛返我屋企，仲要stay係同一個位，好似返屋企咁。我repeat左我個動作好多次，但係真係無辦法了，俾佢暫留一陣。

佢係原本個位玩厭了，就飛左窗口邊訓覺(直至現在，訓左成三個鐘了)，好似望住朗豪坊咁，希望明天佢訓醒就起行la。