Friday, December 31, 2004 

除夕

今日主要都係做testing。但係都係hea下hea下，holiday mood 好嚴重。

中午，叫了KFC做lunch，。 一人廿九蚊，仲要無乜野食，仲要無野飲，shit! d 雞凍左少少，即刻無咁好食，d辣粉仲要唔暈，真係超級難食。

早放工，諗住周圍走走，但係成街都係人，只好返屋企hea下。之後，原本燒野食，但係一眾人怕凍，結果決定室內開p。於是就同阿賢去街市買野，同埋買sushi上阿慈屋企開P。今晚又係打邊爐為主，with大量食，真係好。食到好夜，只後就開賭，但係無乜人識玩。變左玩"按"棉?，玩呢d反應快ge 活動，我又成為大輸家，不過今次有阿菲陪我，大家ge反應真係好....慢。

玩到發晒癲，成兩三點先走，又凍又累，真係好辛苦。

11:59 pm | |

Thursday, December 30, 2004 

Still tired

今日整埋個frmSplash，Phase 1 ge development 工作，已經完成，等明天test好晒。一月三號就可以過production。

Lunch行左海灘，見到前超級多鷹。保守估計起碼有二百隻，勁驚個頭中蕉。之後，係Canteen見到鐘嘉欣，我同Eric睇到唔捨走。上返office，都係心掛掛，最後都係落返canteen望多次。鐘嘉欣真係好靚，白裡透紅。

放工，補完習，食左王家沙，勁貴。

11:59 pm | |

Wednesday, December 29, 2004 

Tired~

今日Duncan到訪，佢特登drive car黎，山長水遠，用咁多油，但係hea住見我地。係HAECO ge 時間都唔夠十多分鐘。一開波就講佢，去錯左隔離ge"香港航空發動機有限公司"。而主要問題都係話間公司咁鬼遠，我地點樣返工，同埋有無入過對面ge電視城。全場唯一有建設性ge問題，係話我地三個，有兩個交左log，有一個乜都未交。好明顯果個就係我，不過呢d useless ge野，佢唔追，我都係唔會做的。

放工，搭了架"大澳"車，大嶼山車真係好好力，司機係咁踩油，架車就係咁去。

11:59 pm | |

Tuesday, December 28, 2004 

打邊爐

今日ECHO個Login page整得七七八八，反應都唔差。

整之前，睇了好多飛機ge manual，睇了波音, Airbus, Rolls Royce，發覺最靚ge都係Airbus。一架飛機真係精密，only一隻機翼ge Mechanical part，都有三千幾頁ge documentation。

最後決定用A340作主題。

放工，無左旺角車神貓仔，得返個阿叔。平時五點半出到旺角，今日就要五點九先出到。搞到我補習遲到。

晚上，又出了街打邊爐，五日內第四次打邊爐，真係熱氣死了。

11:33 pm | |

Monday, December 27, 2004 

玩完就係訓

今日主要係訓同hea，其他時間用黎整返房部電腦。

11:59 pm | |

Sunday, December 26, 2004 

Xmas gathering

琴日，去完海洋公園，累到七彩。原本今日去踏單車，但係決定give up了，係屋企訓多d 先。

晚上，去左阿慈屋企打邊爐。阿e聲稱又佢控制份量，但最後都係多得滯，搞到人人都飽到上心口。阿姝就因為肚?，離唔開個廁所，所以黎唔到，真係慘。成晚，俾人叫全朵，真係唔知點解，我好似得個中文名咁。

好開心，有好多人黎左，有阿faye, 大舊, Eric, 阿e, Crystal。睇見佢地都好開心，佢地份工好正，有國泰空姐，有係渣打做，有係雜誌社做記者。阿e就做空姐，可以周圍飛，雖然辛苦，但係好開心。原來佢都坐過HAECO工程車。

食完飯，就打牌了，原本諗住打好多圈，叫阿慈住埋糖水。但係打唔夠兩圈，Crystal要走了，只好食埋糖水就走了。今晚仲要手氣好好tim，自摸了兩舖。

希望快d會reunion，真係好happy。

11:59 pm | |

Saturday, December 25, 2004 

破財日

今日一大清早，去了海洋公園玩，好累呢!

玩晒所有機動遊戲咁滯，最好玩的，始終係越礦飛車，超級開心。

玩到成八點幾九點先出返去食飯，勁肚餓。去了九龍灣打邊爐，連續第二晚打邊爐呢，熱氣死。

11:59 pm | |

Friday, December 24, 2004 

平安夜

成間公司都holiday mood，整個department都係吹水feel。Library, Account dept, HR dept都一早關晒門去開P。

我地dept要成三點先開。

今日整左幾個Logo，最後一個logo，終於俾人覺得係"大雞"野，可以用了。整Logo係一門好高深的學問，一個ico file，要包含好多幅圖，要有48x48, 32x32, 16x32，仲有24bit,16 bit,8 bit，成九幅圖。另外,陰影同埋圖形的斜度，全部都有晒standard，完全唔可以自把自為。

Holiday mood，唔係好想做野，繼續睇d飛機雜誌，吸收大企業ge文化，然後融入GUI?面。睇了一版關於波音747-400的介紹，原來咁出名ge飛機，都係生產左六百幾架，有五百幾架制做當中，有三架已經destroy左。而最多747 ge 公司係United Airlines, Singapore Airlines and Cathay Pacific。港龍係無747的。

夜晚，出了尖沙咀行，超級超級多人，真係想死，行了一陣就各自歸家了。

我果位，七國咁亂

11:59 pm | |

Wednesday, December 22, 2004 

劉德華 @ HAECO

今日開始覺得原先做graphic ge 方向錯了，做完一個野，俾老細睇，一個鍾意，另一個就ban。咁多層老細有排先俾人approve。

今次決定做好了、integrate埋，先俾public睇。結果，反應真係唔錯，d 同事, supervisor都buy。好明顯就有少少羊群心理。

劉德華今日去左HAECO site-visting，真係完全估唔到。佢去了BM的機庫。

under engine


晚上同Rita, Ki, Pauline, Karon 去左食pizzahut，食了軟殼蟹pizza，味道真係ma ma。

之後，係尖東睇燈飾，好多人。

11:59 pm | |

Tuesday, December 21, 2004 

冬至

今日全程做grahpic designer，整左幾個design俾上頭睇，都係話Art ge 野好主觀，sth like that。唉，叫一個programmer做designer，真係有點兒不討好。

中午去了寶琳飲茶，食得好飽，食左成兩個幾鐘。返到公司hea兩hea，四點鐘就放工了。

返屋企，部LCD TV送上黎了，真係好先進，好好玩。

整完電視，又要整電腦，前幾日成個hard disk壞左，now換左一個新ge返黎，乜都要install過好痛苦。

11:59 pm | |

Monday, December 20, 2004 

飲飲食食星期一

今日繼續做graphic designer，但係無端端又有好多programming ge task做。做做下，出去將軍澳飲茶，飲左成兩個幾鐘，返到公司setup好個場做野，但係又有蛋糕食，一陣間就放工了。

晚上，去了新世紀食飯。收了一份久違了ge生日禮物，真係開心了。^^

之後，去了朗豪坊買了一個靚靚ge鐘。

11:59 pm | |

Sunday, December 19, 2004 

Buy TV

琴日搞得太夜，今早訓到成點先起身，好耐未試過訓足十個鐘了，太開心了。

之後，懶懶閒出街食野，就去左睇電視。最後決定買Philips LCD TV，畫面真係幾靚。係百老匯買，講價講到平左一千蚊，仲要有廿四個月免息分期，仲包零死點。唉，真係唔講價唔得，人善真係被人欺。

晚上，原本有個睇波團，但係最後搞唔成了，無波睇，只好早d訓。

11:04 pm | |

Saturday, December 18, 2004 

Tutorial day~

今日去左鄧鏡波補習，係今個學期ge最後一堂了，買左d禮物送俾d 細路。

之後，去左將軍澳同油麻地補習呢，細路阿媽俾左d 好特別&唔知咩植物ge 食物，但係都幾好味。

晚上，打左好耐無打ge邊爐，太開心了。

11:59 pm | |

Friday, December 17, 2004 

Graphics Desginer

今日竟然聽唔到鬧鐘，七點三先扎醒。即刻拿拿臨洗面出門口，搭地鐵返工，返到公司已經八點半了，無俾人話呢...

中午TVB8一直綵排，有劉德華同埋譚詠麟，第一次聽到"按摩女朗"，真係幾好聽。

今日我supervisor俾左photoshop and flash 我裝，咁我正正式式轉左stream，由software enginneering，變左做multimedia。大老細想將ECHO成個system賣出街，要我重新包裝整個system，第一件事係整logo & icon，整左一日，但係都唔係好靚。

Kenneth升職，下午請食tea，真係好，hea埋個下午去了。

放工，又去左中環整電腦，有十幾部電腦等住我format。

11:59 pm | |

Thursday, December 16, 2004 

懶下懶下~

晨早，改好個crystal report，要即場試，狂印野落一樓，試A4 & A5 ge 分別，結論係printer唔識自動揀tray。之後，再印野，唔記得set返default printer，print左幾份落production printer，不過靜靜雞無人知。

打完仗一輪，休息左一陣，聽住港機股神 Eric 講電話，真係獲益良多，粗口之中夾雜好多獨特見解，完全係地方智慧ge表現。

再過一陣，同事開始議論紛紛，因為公屋阿婆提出上訴告領匯，領匯好可能擱置上市了，個阿婆狂俾人鬧。中午Canteen，個個都丙阿婆。個阿婆真係好乞人憎，俾人利用到，連自己做梗乜都唔知。

下午，完全係holiday mood，plan 下個week 去邊到食飯，好似聖?假期就快來臨了。

TVB今日仲有TVB8 ge 頒獎典禮綵排，成個下午，都聽住d歌星唱歌。聽到Twins唱"飲歌"，我們ge心情更加hea，放低手上ge工作，一睹阿嬌ge風采。睇完，做野做到悶悶地，買了魚旦食，原來Canteen d 魚旦，又平又好味，真係唔錯。

放工，出了油麻地補習，補完撞到傻仔旋，佢好認真地問了我一句"做咩咁得閒"。都唔知點答佢好，行返屋企又feel到我得閒。

11:59 pm | |

Wednesday, December 15, 2004 

Air China IPO day~

今日寫返之前寫落program ge help，一個月前寫ge野，差唔多完全唔記得。早上，only 睇返d code，但係都唔明。一條SQL command有十幾個where，真係出晒事。結果用了四個man hour，寫了四十個英文字。

飯後又出車，今次無去車場了，係福利會旁ge哥爾夫球場玩。大修完果然唔同，玩到無電，架車都仲健健康康。

下午，d 時間過得好慢，有d 眼訓，但係太多help、太多program、太多report，未做了。次次都係臨老過唔到世。stack overflow ge 時候，又要落樓睇user，今次見到飛機上ge救生滑梯，好似好好玩咁。

今日國航上市了，只係抽得一手咁大把。但係第一日已經升左9%，都唔錯ge。

領匯就延至下週一上市，抽到兩手，但係咁多官司，都唔知表現如何了，難道真係等收股息?

9:22 pm | |

Tuesday, December 14, 2004 

Vehicle Overhaul

返到佢Bobo就話今日係好日，萬事皆宜，system係唔會死。

工作氣氛變得好快樂，可能老細唔係度果果都腦輕鬆。

但係今日我地架架車都死晒，行左出街玩車，山長水遠去車場。Kenneth & Eric果架斷前臂，我就成個車?都飛埋出黎，三架車加埋都未行搞二百米，就要返公司大修了。

放工，出返油麻地補習。太愛補習了，坐個半鐘，就earn到半個man day。

11:59 pm | |

Monday, December 13, 2004 

tired....

太累了，連續第九日早起身，六點半起身的滋味並不好受。

返到公司，火藥味好濃，層壓式出氣，好在我呢d small potato接埋一二邊，咁先無受難。

放工前d task 開始湧現，成日都係臨老過唔到世。

去左剪頭髮，真係好，由洗頭至剪髮都係靚女，幾開心lei。

唉，今晚hea下hea下，又趕唔切寫聖?卡lu。

11:17 pm | |

Sunday, December 12, 2004 

返大陸

今日返左大陸，連續第七日早過八點起身，真係想死。

阿?跌親，所以要返去探佢lei。搭車途中，差唔多全程訓，訓完火車，訓巴士，再訓的士，但係都好累。

去左酒樓食飯，但係都唔好味ge。之後去左醫院探病，阿?都無乜野ge，休息多幾下就無問題了。

之後，搭車返屋企，再由頭訓到尾。

11:59 pm | |

Saturday, December 11, 2004 

Tutorial day

今早又要返鄧鏡波補習。雖然比平時遲好多起身，八點先起，但係都唔多想起，好累呢!

之後就去左將軍澳補習，來回兩程地?都狂訓。返屋企果程，企左全程，但都可以訓著，真係勁!

訓飽晒，再出街睇電視，有部Sharp TV 都好吸引，但係比較貴，要多作考慮。

11:44 pm | |

Friday, December 10, 2004 

Holiday mood

今日試framework 1.1 under windows 2000，成個department好難先找到部2000機。最後係server房找到一部，係一部勁cute ge Compaq機，部機係DHL，唔係HAECO的。都唔知點解HAECO有部DHL機。

下午，果果都holiday mood，個個都吹水，David Hung無端端講開飛機噴油，真係超級pro，比起天空之城所講的，仲要pro好多倍，有機會一定要過BM睇睇了。

11:59 pm | |

Thursday, December 09, 2004 

A normal day~

今日d老細去晒國泰開會，搞到成個department氣氛都輕鬆晒，太好了。

國泰d飛機近排成日出事，今晚又有飛機急降Osaka了。今早阿sam話d國泰發言人講，事故係因為飛機設計問題，唔關維修方面。但係發明左三十幾年ge 747，都仲有design problem? 仲要747, 777, A330都有問題，好似波音 同 Airbus 都係出次貨咁。

晚上，去左補習，教左好幾條一元一次方程式。

11:59 am | |

Wednesday, December 08, 2004 

Stack overflow

今日又落街睇user，做framework 1.1 ge 終極測試，但最後都係有d問題，可能係windows 2000 ge 問題。

之後，d task開始多到做唔晒，stack overflow，supervisor以為我好得閒，俾大project我做，但係overflow 晒，點夠時間做，結果俾左Eric頂硬上。

放工，去左阿哥間公司整電腦，format了一部PC，咁就stay左三個鐘。

11:46 pm | |

Tuesday, December 07, 2004 

車~

今日大嶼山車禍，一架冠忠巴士往機場途中翻側，死左一個司機。真係慘，睇新聞，睇住我地平時搭返公司ge車，成架報銷，真係心都有d驚。

早上，收到Rita一個問候ge SMS，簡單幾句，真係令人感動。

返到公司，都係圍繞呢個topic傾。中午，成村人圍住部電視睇新聞。其實，坐得冠忠車返機場，唔係國泰就係HAECO了。放工，搭車ge時候都有少少驚。

中午，玩車仔玩到大傷，成個底盤爆左，Kenneth果架連玩都轉唔到，今日所有車都唔利HAECO，BOBO睇完明天，話好日wor。

唉，事隔幾日，Bobo開始叫我全名了，仲要大大聲聲，都唔知應唔應佢好。

放工，幫阿珠&阿慈整電腦，一個modem壞左，一個ram壞左。我地仲上左阿慈屋企食飯，佢煮飯都有兩道，幾好味。聽阿珠講d返工事，真係身同感受，感覺真係唔好。阿慈&阿麗就好la，兩個返工都好開心，一個做記者，一個做左國泰空姐。

11:21 pm | |

Monday, December 06, 2004 

We're lazy too.

今日都無乜野做，朝早改左個dbsSysMon，create 一個ignore exception list。

做完都無乜野搞。中午，我, Eric, Bobo都無帶車玩，得Kenneth玩悶車。最後，出左街行，返到canteen又見到皆大歡喜d人，都唔知點解佢地咁鐘意黎HAECO食飯。

下午，bobo去開會，原本開到天昏地暗，但係大老細急尿，中途散會，真係經典。

Kenneth 係下午問左一個問題，就係"點解我地咁開心?"。

我地不約而同地覺得"因為我地都係hea囉"。

放工，去左油麻地幫個細路補習，教兩段英文，用左我個半鐘。

11:59 pm | |

Sunday, December 05, 2004 

Special Day!

起身就繼續救電腦，救到發晒脾氣，用盡腦汁都係救唔返，決定format了。

搞電腦搞到，遲到去好市民頒獎典禮，不過去到都未開始，坐係嘉賓席，曬到?，睇完d 警犬、銀樂隊、d大粒佬ge致辭，先開始頒獎。

竟然有部份獎金，變左做惠康coupon，真係慘，全部俾晒阿媽用了。

睇埋醒獅、舞龍，就有refreshment食了，食到好飽。果警長超級好人，特登俾左封信我，for我日後見工。

原來我係破左又一城大案，連我自己都唔知。

11:59 pm | |

Saturday, December 04, 2004 

懶做Backup ge 後果

一早返中學補習，今日係出糧日，所以等別早返，好在出糧ge係副校長。如果係校長，一定會有個祈禱會。

下午，同阿媽出街睇下邊部電視值得買，睇中了部SONY LCD TV，不過要返屋企量下位先買。

晚上，阿哥搞到部電腦中晒毒，機都boot唔到。諗左好多方法去救file，但係最後都有一部份死左，我無左幾日ge相，勁慘。Backup搞到我，三四點先訓。好累呢!

11:59 pm | |

Friday, December 03, 2004 

忘~

返到公司無乜野做，大家都討論梗國泰跌左個D導管ge問題，David好肯定係關HAECO事。但係架777離開左香港咁耐，都未必關ge。

國泰股價就係咁升，一開波就升到14.30，我就決定止賺了。我post左14.50呢個價，十點半就開始排隊，成三點半先放得出，真係多人排。短短一個月內，就帶給我12% ge回報，都幾好。其實做止蝕同止賺ge決定都好辛苦。

中午，d 遙控車又出動，係公司度整左條橋玩，d車飛來飛去。Eric架車輕微撞爆左我個車頭，Bobo果架成日都飛埋黎，但又老屈我果架撞佢。之後去左福利會隔離ge Golf場度玩，充份表現出每架車ge越野性能，玩到樂而忘返。

放工，去左阿哥間公司幫佢間公司fix 左d電腦問題，咁就一日了。

11:59 pm | |

Thursday, December 02, 2004 

1.0 vs 1.1

今早，嘗試找出琴日ge bug，點解發生。終於找到了，原來係Framework 1.0用 ReDim 就會quit unexpectedly，真係好了，可以交功課了。Solution係全線upgrade Framework 1.1。

Supervisor無端端又會知我ge中文名，仲大聲講出黎tim。堂堂上市公司，俾人叫全朵都幾慘。睇黎，係可見ge將來，我ge英文名又會俾人剝奪。

中午，又去玩車。Supervisor帶埋佢架戰車返黎，成架車撞埋我架Toyota，又老屈我撞爆佢果架。

今日國泰終於升返了，因為油價大減，一日升左五毫子，真係好。但係同時，有架777係曼谷發生意外，飛飛下，成舊鐵跌左落黎，跌中一架車，成架車凹晒咁。

11:59 pm | |

Wednesday, December 01, 2004 

行街

今日終於完成個MCD，prepare左一堆data俾大老細去赤立角開會。

中午行三樓，樓底原來高好多，好大。見到有機翼，引擎，仲有成個機倉，成架飛機可以砌返出黎咁。行行下，仲見到有滑梯 同埋 救生艇。Canteen有蘭州拉麵推廣日，請來國內拉麵黃師傅即場示範，我地專程落樓睇，睇到好鬼肚餓lei。

下午落街見User，第一站係二樓ge唔知乜鬼department，入去時，要著晒d特別衣物，以防弄污裡面d野。User係一個超級好人ge阿叔，佢講左一大堆problem出黎，希望我地fix個system。

第二站係一個中年阿叔，佢個HX Main成日無端端quiz左。睇下佢部機有無裝d screen mangement ge software，但係又無，睇左好耐都唔知點解。最抵死，佢又repeat到個bug，不過係random咁出，最後當然係老屈Microsoft。睇佢repeat bug 時候，一睇已經知佢係一個超級飛機高手，對成架飛機 料如此掌。係無結論ge情況下，Print左幾個screen就走人了。

第三站去了一個青春可人ge姐姐，佢個HX Main又有問題，thread同process都有問題，真係唔知點解，print左幾個screen又走人了。

放工，去左polyU同阿Kammy姐 & Novia 姐影相，因為天黑黑ge關係，所以去左幾處影就算了。同佢還埋袍，就去尖咀"吉"野食，同埋食味千，食左好多草ge蟹柳卷。

佢地就好la，全部resign唔做，去Disney做。仲有半年ge美國Disney training。Until now，我仲係一個small potato。不過兩年後，我就係一個好漢了，要努力了。

11:59 pm | |