Monday, October 31, 2005 

台灣第四天+回港

晨早起身去淡水。太早去了，d舖頭都未開，人流就更加少。

周圍行行，都有另一番風味ge。

買左少少野，就返去執拾行李，去機場了。

在機場再次食burger king。hea兩hea，就上機了。

今次係B777-300，成駕機差唔多full loading咁滯，勁多人。我就坐正中間果排，一排三個位，一開始得我一個人坐，以為霸晒成排seat。之後，就多左個女仔坐隔離，一坐係度就狂訓，仲要面向著我tim，搞到我成程機好似俾人望住咁。最後發覺原來佢係CX crew。

返到屋企，勁累了，真係唔想再郁。

11:59 pm | |

Sunday, October 30, 2005 

台灣第三天

六點幾就要起身準備比賽，身體完全唔係自己的。

食大會提供的早餐，台式的。勁hea。

想飲杯coffee都無，勁眼訓。

比賽時，專註在兩題題目。有一題好得意的，話一個area有唔多location and height的building，計出一個最細的半球體可以圍晒所有building。從geometry方向諗，但係諗左好耐都係得個諗。呢一條係金色波波的，到最後發覺真係好難，無乜人做到。

Jason大勇一開始做sudoku，brute force一輪，就成功了。MCC+Sam果team最後就答中兩點。

比賽後，去左101食大餐，去左間wasabi restaurant，d野食超正，係去台灣最好的一餐。

食飽，仲有得免費上101大樓ge觀光層。夜晚的景色都係普通，附近無乜代表性的建築物。

上到91層，呢個area係露天的，勁凍，勁大風。隔離地面ge溫度相差得真係遠。

晚上，再戰士林夜市，食了豪大大塊雞排，再加d小食，去返尋日買野飲果度，個靚姐姐唔見左，得返另一個，吹左幾下水。

於是，搞兩搞，又係好夜返歸。

11:59 pm | |

Saturday, October 29, 2005 

台灣第二天

訓左一陣，就起身食早餐去龍山寺。

再去中正紀念堂，再去師大登記。

登記後，去食上海野，沿途個coach唔見passport，要返師大搵，好在最後都找到。

食完飯，再食冰。就返去check機了。用linux + eplicse，唔識run，好在sam打救我地。otherwise連practice題目都做唔到。

check完機後，行師大夜市，可能太早去了，無上次咁多人。

晚上，返劍潭安頓後，再去士林夜市。食左條幾好味ge香腸，見到個好靚ge姐姐賣野飲。

大家hea完又食，食完又hea。深夜先歸家。

11:59 pm | |

Friday, October 28, 2005 

生日+返學+搭飛機+台灣

今日生日，無乜特別，因為又要上堂，又要執行李。

搭車去到東涌特登去東薈城買六合彩lei，都算有心，?住行李，行咁遠，買廿蚊六合彩。

之後，搭巴士撞到sam，再係機場會合大家。今次搭CX機，係777-200。太勁了。take off和landing係勁穩的，連MCC都有同感。

飛抵台灣，有人接機，無端端送左我地去劍潭，搞左一輪，再搭的士去天成大飯店。

check in一輪，再加key card失靈，夜媽媽先入到房，沖涼加plan行程，差唔多都天光咁滯。

11:59 pm | |

Thursday, October 27, 2005 

生日前~

明天就係生日大日子了，要開心d...haha...生日+萬勝節快樂。

又大一歲了，係cityU過左好多過年頭咁。今年係最後一年了，努力!

明天都幾特別，除左返學外，仲要搭飛機去台灣比賽。

到呢家都無乜prepare個trip，始終剛剛先去完。五個月內第二次去台灣，仲要去返同一個師大夜市，真係親切，唔知又會唔會食豬血糕。

多謝晒大家ge 生日禮物 & 生日卡，真係多謝晒。

11:59 pm | |

 

Corpse Bride

晚上訓唔著，成四點先開始有睡意，好慘呢。

早上，要打網球，身體好似唔係自己咁，好累呢。

之後，同patpat and joe j食飯。再返lab做野+打機。

原本想改下haeco d document，但係user懶，搞到我都hea埋，唔理了，下個week先搞。

結果做FYP，今次真係大改動了，唔係MSHTML.dll，改用MIL。呢個大改動，做左點幾兩點鐘，感覺都幾好，速度都ok。試多幾次無問題，就決定give up MSHTML，MSDN都無乜介紹呢個tools，坊間書有無講，好難develop呢。

晚上，同rita一齊食飯，去左朗豪坊食，食food court，我揀左korean果間，唔係太掂。rita果塊薄餅就好好多。食完飯，去睇Corpse Bride，感覺同the nightmares before christmas有d 相似，但係都好好睇，勁鍾意個伯伯巫師。

11:58 pm | |

Wednesday, October 26, 2005 

生日會

早上，leader mass dance，我地做la la隊。勁多人，想找個好d ge 位企都無。睇左個幾鐘，睇完leader跳完，留完倩影都走lu，因為隻腳痺晒。個show都幾好睇，係HKU比較遜色d，無特別。如果個show係大d ge Area hold，咁會多d 人睇到la...

上EN，真係好無聊的一堂。

之後，請教了mike & angle 3335 tutorial，明晒了，真係好。

晚上，同 同學仔慶祝生日，去左一間cafe食野。一行十四人，好似餓鬼咁，差唔多叫晒成間餐廳ge野。其實間餐廳好似乜都無咁。狂玩games，最驚就係玩d 反應快ge遊戲了。

之後，去左石磨坊食糖水。多謝晒大家。

11:59 pm | |

Tuesday, October 25, 2005 

高凶三萬尺

上EN，唔知up 乜。3335都唔係太明。真係一事無成。

晚上，本身約左阿Sa, Hugo同阿翼食飯。阿sa突然病左，取消左個event。於是，約了Edward食飯。

阿sa之後因傷癒and悶，復出。但係約了edward不能再堆了。好覆雜的關係。

去左乙明村食大排檔，好味。之後，無端端睇高凶三萬尺。真係有心栽花花不發，無心插柳柳成蔭。但係套戲真係失望，好能我預期太高了。

再說一次多謝你。

11:59 pm | |

Monday, October 24, 2005 

開會

今日，返CLK開會，時間計得唔準，早左成半粒鐘去到。無聊地周圍行行，都係大量B747和A330。

今次，係人地老細finalize requirement，計左一陣，大部份野都agree了。之後，就係吹水時間。介紹左好多野俾我聽，解釋左點解HAECO車牌全部都係HX，Cathay就全部都係CX，講左Tow bar點拉飛機，講左飛機點叉電，點供冷氣，講左好多好多，全部都幾得意。

返出黎join ah novia 出去食飯。因為kammy要換mcmug，所以去左元祿食飯。

多謝晒大家d生日禮物。

11:59 pm | |

Sunday, October 23, 2005 

HEA

每個星期日，都會用好多時間飲茶，同埋hea，今日都唔例外。

其實，我最鐘意就係hea mode。

11:59 pm | |

Saturday, October 22, 2005 

畢業相

一早出左街，繼續睇下d 畢業公仔。結果係trendy zone買左lu。

成朝打俾virginia，但係成日都打唔通，激死人。

之後，係BU同蘭姐影畢業相，雖然BU唔係大，但周圍走都好累lei。haha...

不過都好開心ge。

想睇高凶三萬尺，但係睇唔成。

11:59 pm | |

Friday, October 21, 2005 

好開心

返3335，曾經認真聽過，但係真係好唔明，真係要睇下書了。

之後同leader & eric去左食開心樂園餐，換左個X蟲返黎。都幾得意ge。

行左陣旺角，睇下有咩公仔買俾rita，因為明天佢影畢業相，但係都無乜心水，give up左。

找ah bowie，勁開心，有多一份生日禮物了。好靚呀!好開心呢，多謝晒。haha

11:59 pm | |

Thursday, October 20, 2005 

IBM recuitment talk

今日打網球，學發球呢。

狂發球，但係就永世接唔到d發球。玩對打，好似狂開波咁。

之後，返lab研究下個EN assignment。但係都係無乜進展。

去左IBM 的recuitment talk，勁show企業的image。其實，一份工真係有咁多challegne咩，d hea咩邊個做呀。份工人工好好，有成萬七蚊。唔理lu，apply左先lu。

11:59 pm | |

Wednesday, October 19, 2005 

打邊爐

一早就入左機場了，因為User有野問，好耐都無試過咁早起身。因為就黎埋尾，d user勁多野問，問到我勁累tim。搞左兩個鐘，出返黎返學lu。

找了一大班同學仔食野，然後就上勁悶的EN。

晚上，上左hall打邊爐，有eric, bonnie, abby, vincent, 仲有行來行去的阿宏。

多謝晒abby同leader ge 生日禮物。

11:59 pm | |

Tuesday, October 18, 2005 

見老細

一早就去見FYP老細，俾左少少demo佢睇，佢對我progress都幾滿意。但係就希望我再諗多d algorithm方面ge野，諗下點optimize人地d algorithm。唉，咁易諗咩。

跟住佢同左我講拿A+的方法，簡直係遙不可及。講講下，講到成個人down晒tim。成個FYP無從入手咁。

上左EN，玩左成堂咁。3335的tutorial都走埋，因為成份功課我都做晒了。

晚上，再次學返車。換左車，由Toyota Echo變左Toyota Corolla，架車左左勁多，好難drive，勁唔慣。

11:59 pm | |

Monday, October 17, 2005 

FYP

做左幾下FYP，就返part-time。

返part-time 都係無乜野做。繼續睇下google，睇下有咩?用。

11:59 pm | |

Sunday, October 16, 2005 

好辛苦!!!

星期日，難得得閒同屋企人飲茶 hea下。

飲完茶，想做下自己野，但又諗唔到從何入手。樣樣都起唔到手，結果一事無成。

成世好似欠左Gordon and Jackal呢兩條友，兩條友同時買router，同時問我借software，借果樣借呢樣，連學生證都借埋。一整天都係聽呢兩條友ge電話，加埋成十幾個call一日，真係想死，問呢樣問個樣，又話urgent，又話就死。其實，係佢地自己懶睇說明書，d問題根本就唔係問題。你地以為問我一兩句，可以慳好多時間，但係你地一個一個問，我真係好唔得閒。訓覺、食飯、去玩都聽到呢d電話，我真係好痛苦。

我讀computer science，又唔係讀windows，又唔係讀router。唔好所有同電有關ge野都問我。

大佬，有時我都想休息下，你估日日對住部電腦好好玩咩。

我又唔係唔幫你，不過每次打黎時，諗清楚d得唔得ga，唔好成日要我口述成份說明書。俾d有創意 ge 問題得唔得ga?

我有我的工作，也有我的私人時間。Please be considerate!

發完嘮叨了!

11:59 pm | |

Saturday, October 15, 2005 

青松觀

晚上，終於的起個心肝，改下個blog的interface了，轉了勁型的黑色，d 字同埋d photo的對比度大了很多，自己覺得靚好多。haha....

中午，同阿媽去屯門青松觀拜山，真係好遠下，一來一回成三四個鐘頭。訓足兩程車，都好舒服下。

去到，唔係好多人，可以?得上清靜，可能係星期六的關係了。

買左幾個橙，買了幾扎花，再買些香，簡簡單單地拜下阿婆阿公。雖然唔係太信任何宗教，但係都希望佢地開開心心ge。

11:59 pm | |

Friday, October 14, 2005 

今日主要都係食

未訓醒般，就返去上3335，多謝kiki幫手印notes。

認真地聽了一個鐘，break後就開始唔明了。又要煲下MIT本書lu。

上完堂同Eric, leader去左City Top食tea buffet，Hea左成粒幾鐘，乜都抵。

之後，係lab再hea多左，睇阿joe crack的system。睇黎成功在望了，要做ge野好似唔多。

晚上，同Vian，Henry，Vanessa食飯，吹下水咁，都好開心ga。

今日最唔開心ge事，就係辛辛苦苦做左份assignmnet，阿sir 竟然話搞錯左，我做個份係tutorial，唔係assignment，真係想死。send份assignment俾leader，仲要跌入hotmail的junk mail裡面。同Novia講，佢仲讚hotmail醒tim。

11:59 pm | |

Thursday, October 13, 2005 

旅行般

早上，去BU學打tennis，晨早留留真係有d辛苦。成日都係帶住個殘樣上堂。

今堂已經係第五堂了，打法同第一堂基本上無分別。我諗呢八堂ge作用，純粹係做下運動咁。

下午，又係返HX，再解釋下個flow。d 大粒佬走晒去德國航空展，好多野都firm唔到。要等下個星期，先至有新進展了。

開完會，去左Orbis架飛機參觀，今日原來林子祥都黎左HX。架醫院飛機都泊左好耐了，唔知幾時先至會走呢?

再次事無忌憚地，周圍影相。今日Hanger 全部都係CO 機。
Orbis @ HX Hanger

Orbis @ HX Hanger

11:59 pm | |

Wednesday, October 12, 2005 

EN course

又係上好悶ge鬼佬堂，真係好悶。

晚上，再戰HTML ge event，無功而回，想死。

11:59 pm | |

Tuesday, October 11, 2005 

重陽節

今日重陽節，本身話去拜山，拜唔成。

晚上，中學同學仔又話食dinner，又搞唔成。

結果，成日係屋企做下FYP。

11:59 pm | |

Monday, October 10, 2005 

Debug

無端端返左Alogrithm的tutorial，阿department head失準，一開始就做唔到了。跌進左Negative-weighted circuit的陷井。

之後，努力開始做下final year project。其實一開始，已經知 .net 的HTML parser少得很。比較common都係得MSHTML.dll 同埋一個坊間ge paser。試過坊間的parser，慢到爆，所以早前決定用MSHTML.dll，呢個active x control本身係俾IE 用的，但係原來勁麻煩。第一就係佢d function大部份都dot唔到出黎的；第二就係佢做親野，都會掂一掂GUI d 野。Load個document入去，會無端端彈個IE出黎，好多問題。Debug左成晚，嘗試intercept個event，但係都係唔得。上網都有人有呢d問題，但係好似無人solve到。

研究到成一點鐘，食完雪條後，決定give up。整個dummy的web browswer control去食個html document。其實勁唔想整呢d dummy野，不過真係無辦法。

下左決定後，進度開始好返少少，試過edit DCOM node，都ok ge。但係save file方面，個charset由unicode變做ANSI，都好難搞。網頁咁多種charset，真係有排搞。

不過最後都solve左lu，終於可以訓覺。

11:59 pm | |

Sunday, October 09, 2005 

Birthday Party

今日努力做埋個BOM production，終於完工了，太好lu。

晚上，rita搞左個十月ge生日會。因為我地成班friend都好多係十月生日的，有rita, karon, maylee, 我la。一行廿人，包左間cafe係度玩。乜都有得玩咁，有card game，有麻雀，有ps2等等。蛋糕都有兩大個，切蛋糕都切到手軟。玩得好開心，真係多謝晒蘭姐。

散場，走去隔離糖街 CEO Neway，因為要同阿joe哥慶祝生日。左閃右閃都係為左唔洗俾錢，搞左一陣就閃了。去左東角道食事後糖水。

搭車出旺角返屋企，送埋A+B搭車，我就天黑黑先返到，累郅唔識郁。

11:59 pm | |

Saturday, October 08, 2005 

Training

一早，就俾不知所謂ge winnie打黎噪醒。八點幾打電話黎，都有病。問埋d白痴電腦問題，自己諗都唔諗下先。問到我，由睡眼惺忪，變到思維清晰，訓都訓唔返。

之後係屋企hea，然後就同kiki去買愛心禮物。

下午，繼續有ACM training，train train下 lam sen, MCC & patpat無端端上晒身咁，狂係度鬧人。我同阿mike就睇到笑。

晚上，返屋企，幫阿珠整埋部電腦，就繼續做free lance，個bom production完成了七成了。

11:59 pm | |

Friday, October 07, 2005 

走堂

今日，本身有個EN makeup class。原本一心都諗住上的，但係昨晚太夜訓，加上太懶ge關係，give up 左。好彩，都無乜重點。

結果下午先返學上Algorithm。

晚上，努力做埋個BOM production，比BOM product更難搞。

11:59 pm | |

Thursday, October 06, 2005 

debug

早上，又去BU打網球，每次都要一早起身，所以都唔係太想打。不過打到咁上下，都幾開心ge。

阿sir臨尾，無端端同我地兩個講，話我地兩個實力差唔多，可以打到幾板，勁想笑。我地一向都係執波多過打波。

下午，突然諗起free lance果度有個bug。搞左好耐，都solve唔到。唉個BOM好難做。

晚上，返part-time。帶埋notebook 去solve自己個bug。搞左四個鐘頭，終於solve左。原來用ItemArray就solve到我個problem。

11:59 pm | |

Wednesday, October 05, 2005 

EN Quiz result

上EN，無端端派Quiz，result 就麻麻地。唉!Numeric order無分，真係cheap。個鬼佬話題目ge "correct order" imply 我地用 Author-year，都short short地，簡直就係強詞奪理。

晚上，同阿珠去左深水步食米線，都幾好味wor...

11:59 pm | |

Tuesday, October 04, 2005 

Advertisment server list

返學，再玩ACM。

今堂都係做自已野，上網search一個advertisment ge server list，找到最後，終於找到了，FYP又行進一小步了。

11:59 pm | |

Monday, October 03, 2005 

CLK HX

今日帶著疲累ge身軀返CLK，同User finalize requirment。兩點傾到四點就搞掂，要等user同埋佢老細消化下d野。

今日奧比斯ge醫院飛機泊左係HX Hanger度，我一開頭見到個紅色十字，以為係瑞士ge飛機tim。

醫院飛機唔係做大修，係過黎做一些event，有一個大開"眼"界ge活動。有d義賣同埋飛機的介紹。

個靚女姐姐介紹左d野俾我聽，但係想買果樣野無現貨，要訂，所以give up了。Supervisor James就想買個袋。

架飛機係DC-10，好舊ge飛機了。不過好少見到呢d飛機。見來見去都係Airbus and Boeing。

11:59 pm | |

Sunday, October 02, 2005 

BBQ2

訓醒覺，無幾耐，就出去join同學仔去BBQ了。無錯，連續第二日BBQ，等死。haha...

去左Ma On Shan後，hea左好耐。因為有d同學仔遲到，其間又有落雨ge疑團，搞好耐先去買野。

兵分左三路，最後去左泥涌燒野食。同昨天相比，真係無得比。昨天迫爆燒烤場，今日就人影都無乜。

燒完野食，行左N公里路食糖水，所以覺得勁好味。

連玩三日後，成個人就黎散了。

11:59 pm | |

Saturday, October 01, 2005 

BBQ~

起身，無幾耐，就出去join Chu, Chi, 阿e, Eric去咖啡灣BBQ，因為Chu, Chi, 阿e暈車浪ge關係，佢地早d落車，係Golden Coast買野，我地兩個男仔，就勁得閒去霸爐。雖然好無品，但係真係勁舒服。haha...

原來阿E剛剛都去左美國同日本ge disney，好多野都唔同，真係想去玩下tim，唔知幾時先有機會。阿chi就去完雲南，帶來了手信，多謝晒la...

阿志豪兄late join我地，原來係早上俾商業罪案調查科，成部電腦俾人?返去警署，協助調查wor。佢好似係俾人盜用左個IP。佢狂問我點set firewall，我識鬼咩。求其講左幾個software俾佢，等佢第日install返la...

大家吹下水，玩下無聊野就一晚了。

我就勁累，因為玩左兩晚了。

11:59 pm | |