Patrick Diary

16:9 + 28mm + ISO100 = GOOD

今日去左顯徑，幫edward搬屋。一大班麻甩佬，仲以為係鄧鏡波re-u。

條友屋企豪裝，所以暫時搬落樓下d村屋住。我地不斷推住d車仔，上山落山，上山落山。條友仲要租天台，搬住d野上樓梯，真係勁痛苦。

六七點就搬完，都唔知行左幾多轉。夜晚去左間屋村酒樓食飯，好黑仔地撞到B同學。

成個人散晒，仲要搭架87B，一架好不知所為ge巴士，都唔知邊個design 條route。

這就是?你命6000了。

今日是生日的大日子，又大一歲了。

一早便入左東涌準備搭NP360。由於一早買左禮?，唔驚買唔到飛，只係驚佢出問題。



好好彩都無發生問題，但係今日就好大煙霞，好多景都好濛。如果空氣好d，風景就一定更加靚。

話咁快，就上左去昂坪市集。這個市集得十數間店舖，沒有甚麼特色。大部份店舖，旺角也有分號呢!

睇左靈猴影院，真係勁廢。都唔明傳媒怎可以把它和disney的3D show作比較。級數真係相差很遠。

離開昂坪，直上寶蓮寺。食左好多甜點，又靚又好味。Highly recommend 水晶餅和芝麻糕，勁好味!

食完，行下hea下。去了心經簡林，好靚好有氣勢。但係木柱俾蟲蛀得好勁，有部份仲復修梗。唉!香港難得有咁好ge文化展品，無左真係好可惜。咁多支木柱，原來放於最高位的一支係空白，無刻任何野的。原來呢支木柱係闡明左心經ge"空"，真係幾有意思。最平淡的木柱，竟然俾到人無窮的思考空間。中國人真係勁!


行完之後，搭返NP360落東涌。都未試過來回寶蓮寺可以咁快。

晚上，買了Panasonic LX-2。終於有貨了。但係又變得好窮...

Birthday dinner 去左CWB "一生"食日式buffet。都幾多款式，味道也很好，正!!!

今日最開心係收到個生日福袋，滿足晒所有願望...haha...
成個福袋都載滿晒心機，真係好感動!!!

多謝J小姐陪我過呢個生日假期!!!