Patrick Diary

早幾日無意看到電視廣告，又係一個九唔搭八的樓盤廣告。Sell環保和地鐵區域發展。

諗左好耐，不斷咁諗到底邊個站仲有位起樓，都會"馬尺"都賣左好耐la，九龍站又唔覺有咩大型樓盤，最大可疑的東涌，又唔多覺有。

上網search「日出康城」，一個record都無，真係奇怪。

翌日起身，"日出康城"呢四個字已經融入晒所有宣傳品。免費報紙、雜誌、商場，全部都有日出康城的廣告。 最後終於知道，原來係將軍澳車廠站的夢幻之城。

MTR力谷這個樓盤咁，宣傳品滲透整個將軍澳，連買份報紙，都有一個好靚ge日出康城 環保袋送。雜誌書又不斷介紹Lohas一字，講到點好點勁。

其實個樓盤真係好大，將會係香港最大型的私人屋苑，落成後有二萬幾個單位，比起嘉湖山莊仲要大。一個屋苑就有成五萬幾人入住，真係好想睇下佢點規劃。

今日去大廟釣魚...釣到我生命中最大ge黃腳立。超開心

蒙古能源備受六大質疑 《財經時報》形容為「大中華第一妖股」

【明報專訊】今年升幅最大股份之一蒙古能源（0276‧下簡稱蒙能）的蒙古、新疆煤礦大計，自面世以來，喝采聲與質疑聲相呼應，公司股價愈升，市場問號愈多。與內地權威雜誌《財經》同系的《財經時報》最新一期刊出頭版文章，以「大中華第一妖股」來形容蒙古能源，更對其能源大計提出「六大質疑」。

除了同樣質疑蒙能與「國家電力投資總公司」等似是而非的國企的交易外，《財經時報》提出的「六大質疑」的重點，是在蒙古投資能源事業並非「探囊取物」，實情是「危機四伏」。例如蒙古國策訂明，礦產屬國家所有，即使私人公司發展中的煤礦亦可隨時收回，而蒙能沒有詳細披露風險，又質疑蒙能何以能夠取得其他能源巨企都未可得的蒙古礦產探採權。蒙能的公關公司昨晚表示未能回應《財經時報》的報道。

蒙古能源：未能回應《財時》報道

消息稱，蒙古能源連月的公布及相關的媒體報道，已惹來證監會及港交所（0388）注視。蒙古能源上周五申請停牌，據悉與公司要為發展煤礦業務的問題及真確性，向監管機構解畫有關。蒙古能源公司秘書鄧志基回應本報查詢時表示，不便評論市場傳聞，因公司正預備通告，一切問題會在通告解釋。

踏入2007年，蒙古能源消息不斷，包括先後獲得蒙古西部的煤炭礦項目，更聲稱初步資料顯示，煤炭資源介乎34億至44億噸，當中已探明的煤炭資源便有3.4億噸，按此估計資產值隨時達1000億元。投資者聽得如癡如醉，股價不免大幅上升，6月中曾升至8.91元的高位，較公司變身前升價32倍。

大股東劉丞霖從未曝光

讓人疑惑的是，即使外國能源巨企要進軍蒙古能源事業，亦殊非易事。俄羅斯 一向對蒙古的礦產資源虎視眈眈，俄國北方鋼鐵等3家公司去年底曾與蒙古達成協議，攜手開發蒙古塔本陶勒蓋煤礦，總開採價值逾3000億美元 ，惟協議及後卻遭蒙古國會否決，今年5月蒙古總統赫巴亞爾又表示指仍然歡迎俄羅斯到當地投資煤礦，如此反覆，可見項目的風險不低。

另外，無論是蒙古或新彊項目，其中一個關鍵人物，即賣方主要人物劉丞霖至今仍未有現身說法，他何以如斯神通取得蒙古、新疆多個規模龐大的礦產項目，又為何對蒙能願意如此慷慨？而據本報從公司註冊處資料所得，陳為多家公司的董事，這些公司多以「XXX礦業」命名，如「科布多國際礦業」、「黑水湖國際礦業」等，但陳的名字過往甚少出現於傳媒或商界。

明報記者盧嘉偉、姜靜嫻報道
http://hk.news.yahoo.com/070916/12/2fq0r.html

昨天send左個email俾天地圖書，問佢地一本零五年出ge書會唔會再版。

今早就收到佢地ge reply，短短幾句，就feel到人地文化好自己好多。

李先生：

您好。

作者擬修訂後再版，暫時未有確切日期，抱歉。

一俟再版上架，將另函奉達，謝謝。

天地圖書謹覆

Primary Support 的第二天，依然係悶到嘔。

好想出街，好想周圍行下，但係要留係屋企，守株待兔地等一個唔知會唔會有ge求救電話。

屋企人出晒街得返自己一個，真係好悶...悶到發晒老脾，就黎發癲。越想出街，就越出唔到街。唉!!!坐監咁。

DR就黎開始tim，半夜三更搭的士返公司振災。

↓見到架馬士基貨車，無聊影左佢

連續三日primary support，今日係第一日，已經悶到嘔。

好悶...好悶......超級悶.....唔出得街，自閉在家中，睇埋d無聊電視，無聊到連肥媽私房菜都睇埋。睇到差唔多訓著咁滯。

下午，收到call，唉。北美洲System死左...我都想死左去，乜都唔識走去support。得d code同埋password access 個database。自己仲要未有access right，access個system。User肯定俾我認識多好多，真係想扔返個波俾user。搞左成個下午，reset左個request，叫user 自己verify就算了。磨左我幾粒鐘，好痛苦。

夜晚，睇左個無聊雀聖，係郭俊安扮阿旺嗰套戲。睇埋d爛片，我真係無聊到極點。

落樓下百佳買野，又見到陳敏之。haha...佢真人真係幾靚。因為佢住係同我同一個tower，所以耐唔耐都見到佢。我同阿媽傾返，我阿媽竟然講，見過陳敏之N次，見襯佢都係著短褲。諗真，又係wor，我見過佢三次，每次都係著熱褲出街。

有時覺得住係將軍澳都幾開心，成日都見到d明星仔。見過關志斌、mandy、鍾舒漫、葉翠翠、陳自瑤、郭詠琴、陳茵薇、李丞責師父，仲有好多不知名但係TV見過ge人。

星期五同舊同事傾開股票，佢話八月十七號蝕到PK，仲未返身。

以下係佢的對話，我真係好欣賞佢d英文，非常生動。

I bought at 1 and sold at 1.3, very happy , then when it rise to 1.6, I "sleep body"... then pk

我發覺每個人都鍾意一些高風險ge股票，總有一兩隻創業板ge股票。同事就最鍾意<8161.HK 華彩控股有限公司>，舊同事就訓身係<8276.HK 世紀陽光生態科技控股有限公司>，我個人就對<8245.HK 北京京客隆商業集團股份有限公司>情有獨鍾。

一早，同事問我去唔去威尼斯人睇NBA，但係我對NBA真係興趣不大，所以拒絕左。

放工，去左尖沙咀行左一陣，竟然...竟然...俾我見到高比拜仁，因為佢剛剛到達，無乜人認得出佢，所以超近距離見到佢。勁開心...wa ka ka...見我努望...勁好人咁，對我笑左下...haha...