今日唔洗補習，太好了，訓到成十點，就出發去中環了。唔知點解，由油麻地去中環幾個站間，竟然有兩個人暈左，尖沙咀站停完，金鐘站又停，難道係太焗。
行去香港站期間，見到超級大叮噹，真係靚。等埋Kenneth & Daniel，就直上IFC2 81樓 ge金管局，咁大個仔都未上過咁高ge building，真係幾開心。不過今日天氣麻麻，所以d街境都係濛，九龍果邊都差唔多望唔到。d玻璃又反光，搞到d 相都唔係好靚。
小欖完全係hea，返工時候，帶我周圍行，成個導遊咁。成層都差唔多行晒，全部building ge 天台都望到，真係幾happy。望完之後，係度玩左陣遙控車，但係因為server房太多，干擾太大，架車都唔行得遠。落樓見到係IFC做 reception ge阿Sa，傾左一陣，佢好似好累咁，希望佢返工返得開心d la。等埋Jenny係HSBC放工，食埋好耐無食ge蘭芳園，就出發去銅纙灣Hea，睇左陣無聊野，就上kenneth屋企，睇左陣賽車，玩左陣結他。然後就去太古城?車，直上飛蛾山了。
係九龍轉錯左一個彎，就要行多好多路先上得返去，上到飛蛾山超級凍，但係個夜景真係超級一流，靚到爆。hea左陣，就出發入元朗食飯了。
入到元朗都唔知食乜好，行過椰林閣, PizzaHut, 麵館, 數十間茶餐?, 大排檔都無乜結論，最後去左擊壤路ge茶餐廳食小菜，真係幾好味的。我們不約而同都覺得果街名，好前衛。
之後，係元朗周圍走走，行到累，又去食B仔涼粉。飽到上心口，就?車返屋企了。第一站係天水圍ge Jenny，第二就係我了，太好lu，送到返屋企咁滯。沿路大嶼山火光紅紅，真係唔知燒到幾時lu。
相..遲d upload去webshot。但係用左MS Photo Story 3，整左個movie，真係幾好用的。
