Patrick Diary

今日個engineer黎UAT，U左成日，好在都無乜事。

放工搭車出灣仔，前排有個超級靚女，第一次見的。搞到我全程車，都無乜點訓。

放工，去左調景嶺補習。Ricky 話drive將軍澳車ge司機，係冠忠車神。

但係今日落雨，影響表現。由工業村去調景嶺，四個字都唔得，真係太差了。平時，旺角都差唔多到了。

去到美心，過左五點半，tea都無得食，勁肚餓，迫住去茶餐廳食了碗雲吞面。

晚上，繼續做個shit CG assignment。勁多問題。3ds Max export出黎ge VRML，有error。係3ds max同cosmo world轉來轉去，d shape變晒形，真係好麻煩。

個TOM做到七七八八，但係股神無返工，無得問佢野。結果迫住停頓。

唉，黑仔到爆。本身打好晒今日ge日記。Publish唔到，又get唔返。發脾氣唔再打lu。

總言之，個assignment真係shit shit shit!!!

今日做下個CG Assignment，趕唔切lu。做下d texture mapping，畫埋d 水池。

今日，晨早留留返左廣州拜山。第一次係羅湖，用電子身份證自動過關。條龍超短，但係做一個transaction勁慢，關員做四五個人，e-channel先去到一個，真係cheap。

整天，mainly 係食。見到表姊d仔，好過癮下，一食金莎就"do"長過咀，原來粒金莎大得滯，搞成咁。

晚上，去左間好出名下ge餐?食飯。有一碟叉燒，超級好味呢。呢d先至真正ge叉燒。

搭返車，返黎香港先發覺羅湖站都有starbucks，真係估唔到。

今日難得唔洗返工，食下、Hea下、訓下、做下功課就一日了。

晚上，出了街，乜都買唔到。

今日約晒人去大家樂食早餐，Eric遲到，趕唔切車，變左飛機友。

整天，都係做UAT ge 野，幫ah Eric Wong setup個env.，等佢做demo。完全係牛晒底，個env爛溶溶，搞極都有bug，幾驚佢demo 唔到，怪罪落黎。好在最後都無乜事。

心情都係咁差，搞到係公司個work done即刻低晒。

晚上，化悲慟為食量，食左麻布茶坊 & haggen-dazs，心情好返好多，haha。不過麻布茶坊都係for 食雪糕only，d dinner都唔係好靠得住。

呢日全天工作，心情極差，晚上dum阿豬波鐘，迫佢發up風。

太耐無寫日記了，唔係太記得發生過咩事。

只係記得，晚上走左堂CG，因為又係個日本Dr. 上lecture。難得有一日得閒，周圍行下街。

今日訓得好飽呢!下午周街行左一陣，但係買到個桔返黎。

之後，做左埋CG assignment。整左個文化中心ge垃圾桶，就無乜再做野lu。

一早返左鄧鏡波補習，今日d notes係我負責，所以要早d返去set好果場。但係今日好多細路參觀天文台 同 去camp，搞到有好多人缺席。而且學校又有中五ge mock oral exam和公務員ge考試，所以都好靜下。

同d細路計下奧林匹克ge數學題，都幾好玩。以前細個的時候，計到死死下，呢家計返，容易得多了。

之後，佢地問我以前中一考幾多名，同佢地講我係二百八十幾人?面考二百。佢地都好唔明我點入大學。

補完習，去左HSBC問下d人民幣戶口ge野。服務超級好呢，找了個分行經理同我傾，仲幫我諗左幾個plan，真係服務週到。

下午，同Mike & Vincent睇了<<希特拉的最後12夜>>，完全係一套歷史片，開頭都幾緊張，但之後d人係咁自殺，都唔知邊個係邊個，所以睇到有d悶，不過套戲都唔差ge。

睇完，去左澳洲牛奶公司食野，裡面d伙記做野好急，係度食野好辛苦，好不安咁。

早上同Ricky係canteen食早餐，見到個靚女。平時無見過的，應該係黎HAECO考牌的。

上午過左個program-TOM。下午CAS有人上黎UAT，要set好過env。

而高小姐超級得閒，放假都返黎HAECO，返黎潤d人兩句，就去銅鑼灣浦。真係油費平得滯咁。

UAT果度要加埋jerry ge program試。佢改左一排，唔記得改左咩。要同佢trace晒所有野，再setup好過env。唉，佢寫都唔記得左，叫一個外人幫佢搞，要由頭到尾睇過佢d code咁滯。到最後，都係有問題，搞唔掂，留待下星期再搞。

Leader病左兩日，今日返番工。佢口喉發炎，發唔到聲，完全聽唔到講乜，只係睇住佢個口形，諗佢講乜。絕對係看得到的說話，有很大距離。

琴日我隻股大升，無賣到，今日眼見下個星期將會加息，兼且有得賺ge情況下，放左佢lu。俾琴日低左五個價位，少左0.25蚊。

今次買ge股票，係賺得最快的，買左唔夠十日，就賺到幾個Man day。

呢幾日同d hallmate都好有緣，好耐無聯絡ge阿joe話好耐無見ge Cody找我，而係旺角又撞到阿健tim。

今日開市時，照舊開中銀ge網頁，完全唔相信d股價。我買ge，竟然狂升。匯豐又跌左好幾個價位。原來HSBC今日除淨。

股價雖然暴升，但係到最後都係無放。所以賺蝕都未知。

今日leader同brandon都病左，無返工。

工作上，要改TOM，先前寫program個果人好勁下，勁reuse d object，慳好多memory，但係如前唔flexible，個program好難改。

今日Leader開始病，成行得返我唔係病。

放工返學，今日有個日本doctor講lecture，完全唔知佢講乜。

訓下覺，飲下茶，買下野，又一日了。

早上太累了，唔知醒，迫住搭的士返鄧鏡波補習。結果晒左成廿蚊。

返到佢，又有新規矩，要係禮堂祈完禱，先入班房補習。唉，補兩個鐘頭，整色整水，都無左半個鐘頭，天主教就係咁執著，又其係慈幼會ge學校。

d 細路遲d參加饑饉，個個都話籌款。唉，每人捐十蚊，都無左我舊幾水了。加埋d車錢，得返幾十蚊落袋。不過算罷la，當做下善事。

原本，下午約好晒去釣魚，就係果個不知所謂ge Gordon，搞到cancel左。

早上同ricky一齊食早餐，聽到好多野。原來阿Lu做到四月，就過檔東方海外做，人工有一個大jump，真係好。

工作上主要都係做返個invoice system，做完後，俾account ge 姐姐UAT。

Ricky哥過黎吹水，原來佢仲hold住馬鞍山鋼鐵，三蚊買入，呢家兩個九。佢話後生細仔，點解唔買輪玩，好似好有道理咁。但係真金白銀買，好似開心d，收下業積報告、收下股息。

晚上，係油麻地見到一個小學同學，以前無乜兩句果種。大家你眼望我眼，之後十幾廿個死飛仔，對住佢講"大佬"，估唔到時隔十年就撈到咁大。見到咁多飛仔，都有少少"牛底"，於是急急腳走左了。

今日Bobo病到七彩，面如灰土，最後請病假走左。之後佢就放大假，四月先返黎lu。

返工時，不斷留意新聞，因為董建華好有可能宣佈辭職呢。結果佢選擇係收市後，召開記者會宣佈辭職。

放工，係灣仔撞到Lydia，佢係Deli France度食tea。無見一排，成個唔同左。個頭係綠色的，好驚。陪佢食完tea、吹完水後，佢就返演藝，我就去上環lu。偶然撞下d朋友，真係開心。

國泰今日公佈業積，股價升了0.25，派0.45息。

HAECO 同 國泰都賺得幾好。明天到母公司 太古，公佈業積了，股價會唔知會點呢?

國泰航空(0293)(0293.HK - 新聞 - 公司資料)去年下半年純利按年僅升約4%，主因是航空燃料成本上升，但全年計則歷來第二最佳。

去年全年純利為44.2億元，是零三年的13億元的三倍多，但當年香港出現沙士，盈利受到影響。市場原先預料零四年的盈利有40.7億元。國泰今日收市報14.2元，升0.25元。

國泰航空表示，全球及香港經濟改善是推動公司營運增長的主要因素，若非燃油價格?升，2004年應為國泰歷來表現最佳的一年。去年每股盈利增至1.31元，派發末期息每股0.45元，高於去年的0.17元。

國泰航空去年員工開支88.42億元，上升1成，公司解釋，由於員工數目增加及恢復派發花紅。在各地的客運收益中，歐洲升幅最為顯著，有13%，公司指歐元強勢對收益率的提升有顯著作用；特別是去年下半年。

今日HAECO公佈業積，都算幾好，但係近排股價升得太高了，真係不宜入貨。

唉!如果半年前，收到風HAECO起第二個機庫ge時候，可以賺到幾個月人工洗了。

係上市公司到做，最重要就係識得收風。

【明報專訊】隨著航空業自去年起顯著復蘇後，從事飛機維修的港機工程(0044)(0044.HK - 新聞 - 公司資料)昨天公布，04年全年盈利為4.38億元，增長27%，並派未期息每股0.77元。港機工程副主席陳炳傑向本報記者表示，今年業務預計會繼續增長，現時手上的工程訂單，已經差不多足以讓港機在香港以及廈門的維修機庫，全年爆滿。

2003年航空業受到SARS打擊，港機工程亦難免受影響，在比較基數甚低的情?下，2004年盈利錄得27%的升幅，符合市場預期。陳炳傑表示，今年接單的情?，較去年更加理想，可惜今年維修機庫的檔期，已差不多遭全數預訂，即使再有客戶上門，也不能接收更多的工程，局限了今年的業務增長幅度。

機庫檔期滿 限制增長

不過，港機工程日前已宣布，斥資3.2億元在香港國際機場興建第二個維修機庫，預計在2007年首季啟用。

另外，該集團在廈門的維修基地，在今年年底會有新的維修機庫啟用，令當地的機庫數目由3個增至4個。這些擴展計劃均有助增加維修容量。

陳炳傑指出，有多個原因導致工程訂單增加，包括國泰航空(0293)(0293.HK - 新聞 - 公司資料)以及港龍航空均積極擴充機隊，以及近年有不少新的折扣航空公司相繼成立。另外，美國的航空公司近年積極節省成本，把維修工程外判給外地的維修公司，亦為港機工程帶來商機。一些航空貨運公司近年擴充業務，港機工程取得的維修貨機工程亦相應增加。

無意加維修收費

雖然如此，他說無意調高維修收費，因為新加坡、台灣以至內地的競爭對手，都積極以低價爭取客戶。

隨著港機工程在本港興建第二個維修機庫，未來數年將要額外增聘450名員工。陳炳傑指出，在本港興建新機庫，比較在廈門興建更昂貴，因為在本港要向機管局繳付機庫佔地的租金，而在廈門卻基本上不用交租。雖然如此，他說港機工程作為香港上市公司，在本港增加投資是履行社會責任，並不介意本港的運作成本較高。

成個department都係細菌，Kenneth, Eric, Tony, Andy全部都病。真係流感高峰期了。

全日做CAS，真係俾debug Framework容易易百幾倍。

放工，又要返學，測埋驗tim，真係腦輕鬆晒。

今日整天係屋企溫書，悶死了，出面完全係藍天白雲，真係好想玩。

晚上，全程發夢，朝早起身好似無訓過咁，勁累。

今日返了鄧鏡波補習，得到神父ge愛戴，俾了一班最醒ge細路我教，真係好。

d細路又聰明，又聽教，同佢地補習好快就過左一個上午了。

de唔到bug，又要向上頭報告，呢d世紀bug，邊有可能de。

於是，我d debug task終於了左件事，可以做下CAS。

繼續磨琴日ge Bug都係無發現，但係都係要繼續睇。

不過解決了返part-time ge "延遲寫入錯誤"問題，原來真係usb cable有問題。真係估唔到。

一bug未完一bug又起。繼續de 一d 無可能de的bug，真係好辛苦。Production成個月都係得兩個error，都唔知點de。HAECO 加國泰ge user成幾千人，都係得兩個error，點解仲要de呢。

個bug完全repeat唔到，結果又要變人肉compiler，諗晒所有 case，真係痛苦。

今日發現，所有HAECO車 車牌都係HX字頭的，國泰就係CX字頭的，另外有些KA字頭，九成係港龍ge車牌了。

個Framework bug完全debug唔到，但係己經做左成個星期有多，結果寫report，向上頭報告。好在都accept左。開始腦輕鬆。