Sunday, July 31, 2005 

西九龍皇帝

今日好累呀，琴晚太夜返了。

中午飲完茶，就同eric去睇kenneth出show。因為時間太趕ge關係，迫住由地鐵站跑去荔枝角公園第三期，熱到爆。個show都ok ge，不過係睇自己人好睇d，可能年紀差唔多ga。

之後，join埋leader, brandon去演藝睇西九龍皇帝，係一個drama，諷刺政治的。全套drama都幾好笑，不過最尾一個section完全唔知佢想表達d咩。

謝幕時，個編劇出黎講野，點知又係生意人的口吻，不斷介紹之後公演的drama。有d失望。

11:59 pm | |

Saturday, July 30, 2005 

打波 + 飲酒

晨早，阿faye打電話黎，話book場打波。於是就即刻上網book了三點半ge羽毛波。

阿faye同阿e都遲到，得返我同阿慈係度打。打到幾累。

佢地兩個遲成半個鐘先黎到，得返半個鐘俾佢地玩。想book多個鐘都無。係球場上撞到阿rain。原來就係佢book左我地個場，好差。

之後，勁無聊係度打乒乓波，我地都係屬於低B組。玩玩下，仲要玩超級無敵乒乓波，係大學度玩埋呢d野，真係幾白痴。

之後，去左join rita, karon, pauline去蘭桂芳的啤酒節。好多人呀，好開心。我地走左上去一間pub度飲，有heineken的draft beer，好好飲。飲左好多個鐘，飲到兩點幾先返屋企。雖然無醉，但係成個人都high 晒。

11:59 pm | |

Friday, July 29, 2005 

Good bye HAECO

今日係last day了，試多次個installer就收爐lu。但係一放入去DVD就死晒，因為全部file attribute都變晒做read-only。要等下手慢慢改lu。

之後，俾benny召見，先頭真係以為咁好死，最尾一日道下別咁。入到去，完來都係傾生意，傾下彼此ge交易。講左成半粒鐘咁滯，差d訓著。之後，仲請左我地去鴻星飲茶。

今日，收埋Bobo ge ref. letter，讚到天上有，地下無咁，真係有d慚愧。

放工，同eric & kenneth搞下d相，已經七點多了。去左CWB食埋個Farewell dinner。

呢一日，真係幾唔開心。做左成年幾，所有野好似一晚間就無晒咁。

11:59 pm | |

Thursday, July 28, 2005 

hea

係屋企hea下，就一日了。

11:59 pm | |

Monday, July 25, 2005 

星期一至星期四

都係做installer，搞到最後終於出到beta版。唉!都唔知有無人繼承。

11:59 pm | |

Sunday, July 24, 2005 

Swimming

訓到成十一點，仲係好眼訓。但係都係要起身，因為約左阿珠，阿chi, 阿yin係pacific place食lunch。

今日又係出海灘游水，好好玩，今次帶埋排球去玩tim。臨走前，聞到d BBQ味，勁想即刻黎tim。但係阿chi要趕返出去太子。

11:59 pm | |

Saturday, July 23, 2005 

好似自遊行咁

今天同表姐，老行香港，首先係旺角走來走去。之後，再去海港城，行得累ge時候，找了個靚靚位置，睇郵輪。點知就咁?，朝早有爛賭差佬跳船死鬼左。好彩目擊唔到事件的發生。

之後，去左IFC，行兩行，就返屋企?野了。

hea左陣，就搭171去鴨?洲，因為同屋企人係果邊食飯lei。阿哥架車，十年都未到，得我一條友無無聊聊。係鴨?洲大街食海鮮。果間野，係我阿哥朋友的家族生意黎的。整左幾個菜都好好味。

食完，再返旺角食糖水。累到唔識郁。

11:59 pm | |

Friday, July 22, 2005 

BBQ

今日annual leave，同kenneth and eric遊車河，上左山頂。食左老麥，hea兩hea，就出返去將軍澳BBQ。係三十幾度ge高溫下，BBQ都唔算太辛苦ge。

BBQ有好多人，成十三人，差唔多成team人都去。都幾happy ge。去左UST隔離的花卉燒烤場。每人七十五蚊，包一杯野飲。但係d野食就真係麻麻，唔係太新鮮的。

之後，去左西貢滿記食糖水，搞左好耐，先泊好晒d車。

11:59 pm | |

Thursday, July 21, 2005 

磁碟重組

每天都係keep住咁累。不過part-time都係超咁返。

返part-time勁無聊。幫所有電腦磁碟重組，重組了一晚，就走了。

11:59 pm | |

Wednesday, July 20, 2005 

斜路開車

放工，去左學車。今次學斜路開車。結果流後左幾次，同埋死火左幾次。最後都成功開到幾次，不過每次開車都用好多時間。

學完車，去左阿chi屋企hea。hea左幾個字，個天即刻風雲變色，所以即刻走。一落到街，行唔夠幾步，即刻落雨，仲要係狗屎，全身濕晒。之後，仲要行超級大雷，勁驚，勁大聲的。成條街突然間係白色的。

11:59 pm | |

Tuesday, July 19, 2005 

好熱?好辛苦

熱到爆，好辛苦。

就算有風吹埋黎，都係滾的。

11:59 pm | |

Monday, July 18, 2005 

Still in holiday mood

每逄星期一返工，都係累到爆。今日早上釣了好多次魚了。幾辛苦先捱到放工。

11:59 pm | |

Sunday, July 17, 2005 

有朋自遠方來

星期日，要訓飽d。但係有朋自遠方來，又要應酬下。

十二點就去左茶樓了，傾傾講講，就四點了。之後，周圍逛逛就一個下午了。

11:59 pm | |

Saturday, July 16, 2005 

舂坎角

今日天氣真係一流，結果同阿faye, 阿e，阿chi，同roy 去左舂坎角游水。

朝早一心諗住去買個排球玩(因為屋企果個爛左)，但係行暈成條波鞋街都未開門。空手而回。

去到果灘真係好靚，又唔係太多人，好舒服、好開心。游下, hea下,影下相 就一日了。

阿faye同阿e今日出schedule。阿e下個月有九日係standby，勁angry。阿faye 就好d，佢明天就飛去檳城了。做空姐真係好，有得飛來飛去。

游完水，勁累，一上車，我地就全部訓著了。之後，食越興園，唔夠十五分鐘就清晒?上面ge野了。真係好肚餓。

Photo album(coming soon)

11:59 pm | |

Friday, July 15, 2005 

荒失失奇兵

今日個installer終於可以一條龍地run到了，唔洗再加d手動ge野了。

不過仲係大量hard code，要大執呢。呢個寫得咁辛苦ge program，有d想係臨走前搞掂佢。

放工，原本諗住返part-time。但係ricky話睇戲，結果工都唔返就去左APM睇荒失失奇兵。套戲麻麻地，好似結局草草了事咁。

之後，hea行裕民坊，最後食了花園餐廳，再行朗豪坊就散了。累到爆。

11:59 pm | |

Thursday, July 14, 2005 

ACM Local Contest

今日ACM比賽，請了Annual Leave去HKU比賽。係金雞門口搭小巴，唔洗十五分鐘，就去到HKU門口。好快。

打電話俾PK AU，佢地仲係旺角。遲到。我就去左starbucks，hea左陣。

去到主要係test下部機，同埋試下個system。我今日ge主要工作，係負責開VS .NET的solution，後勤支援同debug。MCC同個女仔，就係key-programmer。haha

中午食飯，Duncan問我個supervisor 係唔係push得我地好勁。佢話聽佢俾我地d task就知了。果然係一個明眼人。

下午，我苦戰一條polygon問題。1000個polygon，10000個vertises要係一秒內做晒。諗到頭爆都唔知點搞。之後，就幫個女仔debug，但係都係搞唔點。結果我地一條都做唔到。不過二十隊，差唔多有十五隊做唔到，都無咁樣衰。不過我地都出晒力了。

比賽完，等食飯。約了leader，幫佢部電腦睇病，佢部電腦點都boot唔入windows。MCC同我都唔係太敢用chkdsk，因為萬一有咩差錯，lost晒d data，就人頭不保了。

11:59 pm | |

Wednesday, July 13, 2005 

Boeing 777-200LR

早上，累到差少少訓著。好彩食了粒extra，好返好多。如果唔係成日留留長，都唔知點算。

中午，bobo請食飯。drive埋車，去terminal食飯，食味千拉面。係客運大樓，竟然撞到阿faye。haha，太開心了，識左咁耐，第一次見佢著住空姐uniform。即刻拉佢影左張相。haha。佢今日由korea返香港呢。諗住老粒d手信，點知全部都係化妝品，shit!

食味千拉面，有staff menu，都好抵的。

返去HAECO，有Boeing 777-200LR的demo機，我地周圍影相，haha。仲去埋個駕駛室玩tim。

11:59 pm | |

 

國泰擬購「空中長氣袋」

【東方日報專訊】堪稱「空中長氣袋」的全球最遠航程民用客機——波音777-200LR，昨日於本港停站，這架造價高達二億美元（約十五億六千萬港元）的客機，可載三百零一名乘客，航程達一萬七千四百四十五公里，即接近半個地球的距離，國泰現正考慮是否購入這款客機。

波音民航集團777飛機計畫副總裁兼計畫經理Lars Q. Andersen指出，777-200LR於上月初展開「Going the Distance」環球之旅，已到過台灣、北京等城市，昨日停港後，今日就會轉飛新加坡，整個旅程途經廿多個城市，於下月完結。

飛紐約毋須停站

777-200LR以全球最遠航程為賣點，直接的競爭對象是空中巴士A340-500客機。Andersen表示，200LR客機可連續飛行十九小時，航程逾一萬七千公里，由本港飛往紐約亦毋須中途停站。今年底更會挑戰連續飛行廿四小時。此機較A340節省燃油百分之廿四，並可飛更遠航程，是更具效率及環保的客機。

200LR的機艙設計新穎，頭等機艙的天花裝有LED燈飾，晚上亮起有如滿天星星，令人有置身星空下的悠然感覺。客艙內燈光亦會隨不同時間改變亮度及顏色，經濟艙的座椅亦較A340客機寬闊及舒適。

國泰發言人指，該公司有半數客機由波音公司製造，早前已知悉新機的資料，現正研究該款客機是否適用於國泰航線，暫尚未有最後決定。

11:58 pm | |

Tuesday, July 12, 2005 

Echo Installer

Keep住咁累。

個installer都開始有d樣，但係都好多野係hard-code。Echo好似話賣俾山東飛機工程，要做個installer俾佢地睇demo。

晚上hair-cut，bowie轉左電話，無晒d電話，佢真係慘。佢晚上約了yuki食飯，但係我唔得閒無join佢地了。

11:59 pm | |

Monday, July 11, 2005 

學車

唉，今日太累了。遲左起身，迫住搭的士返工，貴到嘔。

返到公司，都仲係好累。個installer又有好多野未搞，樣樣野都要做一大輪research先起到手。日子唔多，都唔知點算。

放工，第一次學車。勁多野要記，每次停車，都幾萬樣做，真係好忙。學完後，右腳有d痺，因為長期輕力踩住個油門。

11:59 pm | |

Sunday, July 10, 2005 

sing k~

今日同阿e, faye, chi, chu, eric, 大舊,豪去左尖東唱k。原本諗住去海灘游水的，但係怕落雨give up左。

阿e 同阿faye勁講佢地ge空姐生活。從佢地先知原來國泰都有744。阿e去得地方多得滯，已經有少少麻木了。

唱完K，阿e就走左lu，因為今晚要飛paris。eric同阿豪都走埋。得返chu, chi, faye, me，大家都唔知做乜好。又話打波，又話睇戲，又話打bowling，結果樣樣都做唔成。

11:59 pm | |

Saturday, July 09, 2005 

城門水塘

成日都係落大雨，先頭差d搞到我地個行山計劃擱置tim。

但係我, eric, jess, brandon都無放棄，去左行城門水塘。不過地下就濕左d。全程都無落雨都幾好。

Leader剛剛去完西班牙同英國，?左d手信返黎，真係多謝晒。

帶左一盒"zone"子餅返黎，都幾好味，但係問左幾次個"zone"字都無人答到呢!

之後，去左榆景新城食deli-france，同埋杏花樓食糖水。

11:59 pm | |

Friday, July 08, 2005 

Hea

高小姐開會，難得hea到陣。成個week都無到成隻狗咁，太辛苦了。

放工果刻，佢都仲未見人..haha

11:59 pm | |

Thursday, July 07, 2005 

Screen resolution

haha...太勁了，我終於試用program set到screen resoultion，call兩個api先做得到。

(太耐先寫返今日的日記都唔係太記得發生乜事了)

11:59 pm | |

Wednesday, July 06, 2005 

Installer

今日開始試run我果 installer，搞左成十日都黎，一試樣樣死。好似執漏咁，慢慢fine-tune佢。

最後，都行到Echo。個Echo就黎要賣出去，呢隻碟係做一隻demo碟，俾其他公司試玩。

估唔到我個logo可以係越黎越多地方出現。

11:59 pm | |

Tuesday, July 05, 2005 

API

做installer ge日子，並唔好過。完全係孤身走我路。個project難到爆，得一條友做，想同人研究下都無。

個installer要call 好多API，User32.dll, Kenerl.dll等，做死。

11:59 pm | |

Monday, July 04, 2005 

遲到

無左brandon一齊搭車，搞到我大遲到了。起身已經七點鐘，心知一定要遲到了。走去搭MTR，去到坑口七點八左，但係張shit 八達通唔生性，搞到我出唔到閘。去客務中心搞ge時候，前面條友竟然晨早留留退八達通，真係shit，咁搞法，搞到我上唔到七點九ge巴士。

把鬼火，搭的士，搭左成四十蚊，肉痛到爆。

今日，新人返工，兩女三男。聲稱話靚果個，坐係eric前面。另一個，就坐左係brandon位。

11:59 pm | |

Sunday, July 03, 2005 

hea

難得一日，有得休息，同hea下，真係舒服。

11:59 pm | |

Saturday, July 02, 2005 

Horrible morning

早上，電話又係響過不停。阿華晨早留留話部電腦有問題，結果要一早就出門口幫佢整。urgent到不得了。

原本約了rita, ki, pauline, karon唱K，都無得唱了。所以一到做，一路埋怨佢。haha...

搞點晒，已經三點多。出返去，join佢地，佢地果果臨時都有d野做，得返我同pauline hea行沙田。好快rita就join返我地了。去左JAL的counter拿了d贈品，有d飛機仔匙扣 同埋紙扇都幾靚ge。

睇完野，去左starbucks飲野，吹下水。聽下rita歐洲之旅ge經驗，真係動魄驚心。好在最後都無事返到黎。

係沙田找唔到想食ge野，結果行左去大圍食，去左間餐廳食點心，食完仲去左傅師父食甜品tim，都ok ge。

11:59 pm | |

Friday, July 01, 2005 

fishing

一早，d電話響不停。搞到訓得唔係幾好。

之後，join eric , Kenneth & Friends 去東涌碼頭fishing。成日都落大雨，但係都有d魚毛仔做收獲ge。

晚上，食元氣，同小欖 牛"口趙"牡丹地食左個金倉魚壽司，成廿幾蚊。haha...完全feel唔到，有咩特別。

11:59 pm | |

 

No one run with me

今日brandon last day了，少左個戰友了。返工再無人一齊追車了，真係有d可惜。

中午，坐老細車出去美心飲茶。好飽。五十八蚊任食，真係抵。

之後，又係坐返老細車返公司，離心力超大。

11:59 pm | |